افراز بني او زهري .. اسبوع ١٣ من الحمل

السلام عليكم
انا في اسبوع ١٣ بداية الرابع
ينزل لي افراز زهري او بني فاتح بكمية خفيفة
من يومين وحتى صار لي نفس الشي في الشهر الثالث
سويت سونار كمن مرة وسويت اشعة وكل شي يتوجب
كل مرة الدكتورة اتقول لي كل شي طبيعي واتقول لي هذي زوائد افرازات في رحمج وقاعد ينزل
بس انا احاتي وهذا اول حمل
اخذ مثبت وفلو اكسيد و فيتامين
وللعلم مافي عوار في الظهر ولا بطن
والافراز مب لزج ولا فيه قطع
انا خبرتني الدكتورة ان كل شي طبيعي وخذت عينة من تحت من الرحم للكشف عن الالتهابات واتريا النتيجة
ابا اعرف حد مر بنفس التجربة ؟
انا حملت عقب سنتين من جيه وايد افكر وما ارقد الليل من التفكير
افيدوني