افرجو عني افرج الله عنكم دنيا واخره

هههههههههههه ياحليلها تخيلتك وأنت تراكضين وراها
الله يخليها لك
أتوقع أن كل الأطفال زي كذا يعني هالشي طبيعي وبالعكس إذا كان ما يحرك شي هو اللي ينخاف عليه ..

بس سوي أحتياطات أمنية مؤقته لين تكبر :biggrin:
وادعي لها بالهداية..
وخففي الحلويات عنها لأانها تزيد من نشاط الطفل.
وخليها ما تجوع أبد لأاني قد سمعت أن الجوع يؤدي إلى التوتر و النرفزة



ولاتنسين تنتخبين اسم لبنتي :biggrin:
http://forum.hawaaworld.com/showthread.php?t=311048

وعليكم السلام ورحمة الله وبركاته

الله يحفظها شكلها حركية ترى فيه مادة في الكاكاو و الحلويات مو زين كثرتهم حق الاطفال شديدين الحركة لأن يزيد من حركتهم

عادي .. ولدي كان جذيه .. بس تعلمت ما اوديه مكان ، اخليه في البيت عشان ما يجنني .. بس مرحله و عدت

اختي طولي بالك عليها وانتبهي قد ما تقدرين لأنها من اصعب المراحل

بكره تكبر وتميز والله بيهديها خصوصاً في الفترة الي بتفهم لرسوم المتحركه

خففي من طلعاتك وخليه وقت نومها يعني لما تزورين الاهل تلعب شوي وبعدها نوميها

اريح لها ولك

اما في البيت مالك الا تقفلين عنها الاماكن الخطره والله يعينك

اختي..
عندما يقرر الواحد منا ان ينجب طفلاً فعليه ان يتحمل المسؤليه
كامله..
وليس ذنبها انها طفله صغيره لاتفهم معنى اتركي..لاتلمسي
والطفل الكثير حركه هو طفل سليم لان هذا يدل على انها تملك
رغبه قويه (ماشاء الله) على الاستكشاف والبحث..
وعليك لازاماً لا اختياراً ان تهيأي البيت لوجود طفل به..
فالاغراض ترفع والادراج تقفل..الخ
واذا حصل وسهيت عن امر وعبثت به فلا بأس (ان تخسريه خير من ان تؤذي طفلتك بكلام جارح وغضب هادر قد يسبب لها
ضغوط نفسيه تدخلك مستقبلاً بمشاكل انت في غنى عنها)..
وما كانت الجنه تحت اقدام الامهات الا لعظم صبرهن واحتسابهن
مما يلاقينه من مشقه اثناء مشوار التربيه..
اعانك الله اختي ورزقنا الذريه الصالحه..

وسأذكر لك موقف حصل معي..
ذهبت لبيت اهلي لاقضي بضعة ايام معهم فوجدت امي واخواتي
يصرخن من اختي الصغيره وعمايلها (سنتين)..
وفعلاً لاحظت البنت عنيده و تحب تلعب بأي حاجه بس لاحظت
كمان انها تخاف من اي شي وتمشي بعيون مترقبه وخايفه..
طبعاً من كثرة الصراخ عليها والتهزيء.
صرت كل ماتحب تلعب بشي (روج..احطلها منه مسحه واجيب المرايه واوريها شكلها ما تتخيلي السعاده الا هيا فيه والثقه اللي
تحس فيها..عجين اعطيها منه شوي مع دقيق وزيت وصحن
واقولها اعملي زيي تفرح وتنهمك في العمل..كتاب تبغى تقطعه
اخذها والكتاب بحضني واوريها الصور واطلب منها تقول لي ايش
هذا:سياره ..شارع..عطر ارشلها منه..الخ)
المهم البنت خفت عصبيتها وصارت تلعب بمرح وماتبكي الا نادر
واقسم بالله اني اكون في الغرفه الثانيه ..تجي عندي وتعطيني
الروج والا الكريم وتطلب مني اعملها منه وتروح تشوف نفسها
في المرايه..
اخواتي استغربوا معقوله يكون الحل بهاذي البساطه..
الخلاصه ياعمري صاحبي بنتك وحسسيها بالثقه بالنفس وخليها
تكتشف الاشياء بمشاركتك وحبك.. :angry: (واجعليها تدرك انك عوناً لها لا عليها).