وهذه قائمه متكامله بكل ماتحتاجه البنت من الالف ل الياء
أولاً: نبدأ بالحجوزات المطلوبه
حجز القاعه
حجز المكياج والشعر (للعرس والحنا والصباحيه والهديه)
حجز الكوشه والاضاءه
حجزالتوزيعات
حجز التصوير واختيار البوم العرس
اختيار بطاقات الدعوه
حجز الفرقه
حجز الأمن ( تفتيش جوالات الكاميرا)
ثانياً: قائمة مشتريات العروس
..الفساتين..
1-فستان الزواج ( تفصيل - ايجار- جاهز )
2-فستان الصباحيه
3- فستان الهديه
4- فستان او فستانين زياده على حسب انتي شلوون
..الجلابيات..
1-طبعا تختلف الوحده عند بيت زوجها بتسكن تحتاج كميات من الجلابيات اكثر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم
2- جلابية الحنا أو فستانها ( طبعا شعبي)
..قمصان النووم..
كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئييسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..
..البجامات..
تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب..
.الملابس الداخليه..
من15 الى20 طقم ..
..ملابس البيت..
طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكم :eekgif:
..ملابس السبورات..
جنزات ... وتيشيرتات ... قمصان كشخه وعمليه ... حزامات ... وما الى ذلك ..
..البدل والتنانير..
تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... والي بتسكن مع اهل زوجها بتحتاج التنانير الساده العمليه
.العطورات والكريمات..
بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه ..
.الشنط ( الحقائب )..
العرووس تحتاج الشنط كثير فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركات راقيه ) ....
شنط لتجهيزاتك (طقم) + شنطة مكياج + شنطة للمجوهرات ..
..العبايات..
عدد 6 عبايات (أطقم طبعا) ( 3 راقيات للمناسبات + 3 عمليات فيهم حركات خفيفه وممكن تفصلين وحده ساده ) ...
.المكياج..
كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.
..مفرش السرير..
راجع لك اختيار العدد بس اعتقد 2 كفايه ..
.الذهب والمجوهرات..
--> انتبهوا هنا لان فيه نقطه مهمه
نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....
..الساعات..
ساعة ليلة العرس ... وساعتين وحده عمليه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثرين
..الأحذيه..
تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعسل + أكيد حذاء ليلة العرس ..
..الأدوات والمستلزمات الثانويه..
مجفف شعر (سشوار) + مكينة للحف + عدةأظافر+ عدة خياطة+ حلاوه – شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم ..
..الاهتمام والعنايه..
حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعر + بادي كير ومانيكير +عنايه بالاسنان
.............................................
ثالثاً: أغراض ومستلزمات السوبر ماركت (الجمعيه) ومحلات العنايه
صابون (للوجه + شور جل + للجسم ) + شامبو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك
.............................
مقتطفات
إعداد قائمة المعازيم من وقت عشان ماتتعبين
تأكيد حجوزاتك قبل العرس بفتره
تشاورين الناس القراب منك في الخطوات الي تسوينها لان النصايح مفيده
لوحجزتي شي (مكياج – شعر- حنا – كوشه ) وانتي مقتنعه وعاجبك ... لااااتخلين احد يحيرك الي حجزتيه خلك عليه
حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره
خلي لك مبلغ بسيط من المهر ينفع لبعد العرس
لاتنسين الهدايا لخطيبك بين كل فتره وفتره (تقرب القلوب)
قراء سورة البقره كامله يوم العرس
لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين
تبتعدين عن السهر عشان وجهك يكون منور يوم العرس
اكثار شرب الماء واكل الفواكه والاشياء المفيده (للبشره )
لاتتوترين ... ترى أيام التجهيز من أحلى الايام حتى لوكانت تعب ..
منقووووووول لعيونكم وللافاده
كل ماتحتاجه العروسه والمتزوجه
تجهيز العروس
(الملابس الداخليه)
ملابس مريحه للنوم شفافه وخفيفه
ملابس داخليه للطلعات والدوام
ملابس خاصه باالدوره الشهريه (كلوتات بلاستك من الصيدليه)تسويلك حمايه وتحافظ على ملابسك
أطقم سنتيانات للبيت (غير مبطنة)
أطقم سنتيانات سهرة
كلوتات انفرادية ألوان متعددة
ملابس النوم:
طقمين ارواب.
قمصان طويلة بدون ارواب .
قمصان قصيرة.
بجايم حريري.
بجايم قطنيه.
كورساج + ستوكنغ
(اللي تجي فيها الشراريب و بعدين يشبكونها في الكورساج من فوق عرفتوها؟ )
(ملابس البيت)
أقمصة قطنية طويلة.
أقمصة قطنية قصيرة.
أطقم شورتات قطنية+جينز.
تنوره قصيره.
تي شيرت.
بناطيل.
فساتين قصيره.
بودي.
(ملابس خروج)
يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
(الذهب )
لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر، لاتكثرين منه لأنو حلاته يوم الصباحيه اذا جيتي بتسلمين على اهله وبس، فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان.
(العبايات)
فصلي لك عبايتين على الراس وواحده على الكتف مع الشيل
والبسي في البدايه عبايه الراس علشان تجسين نبض زوجك من ناحية الكتف والراس
(الشناط)
الموضه في الشنط المشكوكه، راح تلاقين أشكال حلووه باالمره وخذي لك ثنتين عمليات لما تطلعين مع العريس.
(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال.
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم :أحلى الرغوات: مثل صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم.
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه :تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فوط صحيه
فازلين
(علاجات)
بندول
نصيحه(بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها)
(الجزم)
شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام
(العطور)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
----
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب
مون فلورمن بودي شوب
(المفارش)
اختاري أثنين فقط
واحد أبيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش، وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش
(ماكياج)
ماكياج الصباح.
اختاري كريم اساس خفيف تلقينه عند ماكس فاكتور وبودي شوب.
اما الأرواج والجلوسات اللي تناسب النهار.
مكياج الليل.
ماكياج الليل لازم يكون اكثف من النهار.
كونسيلر(فور ايفر تجيك علبه وفيها خمس الوان أخضر لأخفاء حبوب الشباب و*****الله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع والأصفرعلى جسر الأنف والبني على جوانب الأنف.
كريم اضاءه(ريفلون..ماك..كريولان).
بودره اضاءه(ماك..بودي شوب).
بودره بلمعه مافيه زي ريفلون خذي كل الثنتين البيضاء والبرونزيه.
الكحل كريولان لانكوم وكحل القلم الجاف من جفنشي خطير.
الشدو(كريولان ..فور ايفر ..ماك) ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل.
(IsaDora )البلاشر(روحي لمكياجي تلقين عندهم ماركةالوان البلاشر حقتهم روعه ).
مثبت الماكياج(بخاخ من جفنشي.أو فور ايفر).
المناكير خذي هذه الالوان(بصلي..وردي..احمر..عنابي).
الماسكارا(هيلينا روبنشتاين ..بروجو..نيفيا).
مزيل ماكياج.
ميلك للبشره.
كريم مرطب للبشره.
غسول للبشره(كلين آند كلير.
شنطة مكياج عشان تحفظين اغراضك فيها من الضياع وعشان يكون حملها سهل
(اكسسوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه(لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير)
توكات"بنس للشعر"
بعض البكل الجميله
(الأجهزه)
استشوار.
فير لتلفيف الشعر
فيه فير على غاز يجننن تحطينه بشنطتك اليدويه وتكوين فيه الخصل اللي قدام اذا كنتي من النوع اللي يحب يحط خصل مستقيمه على الوجه.
(متفرقات)
كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير
زيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين رحلتكم في شهر العسل
لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه
والله يوفقك
وتقبلوا تحياتي...
نزلت لكم قائمتين للاغراض
راح يفيدونكم
انا راح اخذ منهم الاثنين الاغراض اللي ابيهم وبشوف احذف وازيد من عندي
^ــ^
راح يفيدونكم
انا راح اخذ منهم الاثنين الاغراض اللي ابيهم وبشوف احذف وازيد من عندي
^ــ^
الصفحة الأخيرة
عريس شهر ١٠متا بتشترون الذهب
و اللحين كيف اسعاره ؟؟