تغاريد الفـرح
مراحب عرايس اخباركم واخبار رمضان والتجهيزات معاكم زواجي ان شاء الله في شوال ولحد الان ماحجزت كوفيرة وش رايكم بقطرة ندى الي بالعليا حتى خواتي ماحجزووا لزواجي الله يعيين
مراحب عرايس اخباركم واخبار رمضان والتجهيزات معاكم زواجي ان شاء الله في شوال ولحد الان ماحجزت...
ياهلآ حبيبتي الحمدلله ماشي الحال نكرف بالخلطات والقرف :biggrinlo
ياقلبي غريبه ماحجزتي انتبهي لاتتوهقين وماتحصلين شيء حلو لان بشوال ومع العيد زحمه زواجااات
والله ماعندي خلفيه بقطرة ندى انا حجزت بدار نووور من بدايه شعبآن ومره مزحومين
الله يوفقنآ ويتمم فرحتنا
تغاريد الفـرح
mema1 mema1 :
بنات الله يسعدكم سالتكم البارح فية احد استخدم حبوب زهرة الربيع وماجاوبتو جاوبوني بليييييز
بنات الله يسعدكم سالتكم البارح فية احد استخدم حبوب زهرة الربيع وماجاوبتو جاوبوني بليييييز
انا جربتها يومين وتركتها > كسل هههه
بس كثير يمدحونها للبشره وتسسمن هذا اللي اعرفه ربي يوفقك

وعليكم السلام ياهلا بعروستنا .. احنا تمام بطلتك ياعسل



صباحك وورد ياقمر
والله للآن ماقدرت اشتريه مرتفع سعره بالنسبه لي
براقبه ان شاء الله الى نص رمضان وبقرر :laugh2:


يامامي انتي زواجك الثلاثاء وانا بكره بعدك الاربعاء آن شاء الله

بدا قلبي يرقص سامري :09:
والله مافكرت بالزفه للحين احس ماكاني بتزوج هههه مادري متى اقرر لاني ودي وماودي محتاره
آن شاء الله البنات يفيدونك اكثر بالزفآآت
فاقده قلبها
فاقده قلبها
خسااااااااااااااااااااااره اشبكم ماشتريتم من شعبان
الذهب نزل سعره بشعبان وراح يترتفع برمضاان وماينزل
انا الحمدالله اشتريته بدايه شعبان قبل ملكتي


نسيت مااسلم سلام عليكم :)
بنوووتة ذوق
بنوووتة ذوق
صباح الخير صبايا
واسعد الله جميع اوقاتكم
يا الله قد ايش الايام تمر بسرعة اليوم 8 رمضان
الله يكتبنا من عتقاء هذا الشهر الفضيل
وعادي بنات الطاعات ماتمنعك من اهتمامك بنفسك والعكس
(ان الله جميل يحب الجمال)
سوي لك جدول برمضان الين وقت زواجك اعتمدي فيه ع الخلطات والكريمات المعروفه
ولاتخلي نفسك تجربه اولى لأي شي خصوصا هالوقت حرج مابقي شي ع زواجاتكم
مثل ماقلت لكم انا اعشق الخلطات والاشياء الطبيعية وجربت كثير
فيه اللي استفدت الحمد لله وفيه اللي ماحركت ساكن وفيه اللي شوهتني اعوذ بالله مثل خلطة القرنفل للجسم
وماراح اكتب لكم الا اللي فادتني

اول شي
الشور حقك لا يكون اي شور
دللي دلعي نفسك وبشرتك واهتمامك
قبل الشور بساعتين لازم تعتمدين برنامج للشعر والجسم

الشعر ياحلوات انا شعري دهني يعني علاقتي بالزيوت شبه معدومه وماستخدم الا تونكات الشعر
واحيانا حمام كريم ع الشعر بس مو الفروة لترطيبة

اول شي قبل الشور احط خلطه ع جسمي كللللللله من-الى الا وهي (
المكونات

صابونة دوف مبشوورة

نصف كاس ماء ورد

5 ملااعق اكل جليسيرين

5 ملاعق اكل زيت لوز

5 ملااعق اكل جليسوليد

5 ملااعق اكل زيت زيتون

علبة فير اند لافلي

عصير ليمون (6 حبات)



الطريقة

تنقعي الصابونة المبشورة في ماء الورد ليله كاملة

بعدها تحطيها على النار وحركي بملعقة خشب لين تذووب

حطي عليها الجليسيرين وزيت اللوز والجليسوليد حركيها شوي وطفي النار

خليها شوي تبرد وحطي عليها فير اند لاافلي وحركي تماام لين ينسجم الخليط

ضيفي عصير الليمون وزيت الزيتون وحركي تماام بتصير عندك مثل الكريماا

حطيها في علبه وخذي منها مقدار كافي وزعية ع جسمك والباقي حطيه بالثلاجه )

وحظري تونك الشعر اللي عباره عن
(5 ريال كلا من عشبة الهيل الحبشي ... اكليل الجبل ... عشبة السنبلة ) تطحنينها طحن مزبوووووط بالبيت
وتتعب بطحنها خصوصا الهيل الحبشي لأنه الياف وحطيها بعلبه وقبل الشور ب ساعتين خذي ملعقة كبيييره حقت الاكل
حطيها في كوب مع نص كأس ماء مغلي وغطيها

ادخلي الحمام دلكي جسمك كله بالليفه او فرشاة الجسم من بودي شوب >>>>فيه بنات مايتحملونها
بعدين اغسلي جسمك شوفي النعومة من اول مره وبعدين تشوفين لونك وردي جنااااان
بعد ماتغسلين جسمك بالموية جيبي الخلطه الصابونية العبارة عن (
لخلطة الصابونية لتبييض الجسم و نظافته وتشيل مسامات الرجل وتغني عن الصنفرة الخلطة: توحد اللون_تنعم_وتشيل مسامات الرجل و الساق(الله يجزاها خير صاحبتها مزيونة وشقرا)
صابونه الكركم
صابونه الغار
صابونه البابايا

ماء ورد
ملعقة كبيره ملح خشن
ملعقة وسط نشا
طريقة عمل الخلطة :
نبشر صابونه الكركم وصابون الغار وصابونه البابايا
نبشرهم ونضعهم في صحن و نتركهم
نأخذ قدر صغير( وسط ) ونحط فيه ماء الورد ونضع الكركم ثم الملح خشن ونحركهم ونضعهم على النار وإذا سخن قليلاً بس الماء نضع الصابون كله مع بعض ونحركه سوف نلاحظ انه على طول و يذوب مع ماء الورد الحار ونحرك لحد ما يندمج ويصير مثل الخلطة
وعندما يذوب وتتكون الخلطة وإذا سخنت الخلطة وبدت تبقبق قليلاً نحركها و إذا لاحظنا أن المكونات اندمجت مع بعضها وصارت على شكل خلطه نرفعها من النار ونضع النشا على طول وهي حارة على الخلطة ونحركها جيداً
ثم تكون الخلطة جاهزة نفرغها بس في علبه بغطاء ونغطيها ونتركها حتى تبرد ثم نستخدمها عادي وسوف تكون مثل أي صابون عادي
طريقة استخدامها:
مع كل استحمام استخدميها نأخذ كميه في اليد ونفرك فيها الجسم كامل ومع الوجه حتى الرقبة والمنطقة الحساسة والإبط ونخليها من 2- 3 دقائق أو أكثر ونغسلها

يعدها استخدم سنفرة عبارة عن (سنفرة كاب علبة كامله + ملح الحليب كيس كامل + ملعقتين كبيرة كركم جسم) تخلطينها مع بعض وتحطيها بعلبه وتستخدميها كل مره بعد الخلطه الصابونية ع كااااااامل الجسم

وبكذا خلصتي اهتمام بجسمك وقت الشور وممكن خلال اي خلطه تحطين ماسك مثل ماسك الطين للشعر
او اي ماسك يناسبك >>>الطين يناسب الشعر الدهني مثلي

اغسلي شعرك وجسمك وجففيه والان جاء دور الترطيب
ماراح اقولك اي زيت او اي مرطب لا
كريم لتفتيح البشرة عبارة عن

/ كريم فير آند لفلي 2/كريم فيد آوت للتفتيح

3/كريم ريو 4/ كريم بين الصغير

5/كريم كيلي الاحمر الصغير 6/كريم منيرفا


7 / كريم الحساسيه اللي له لونين يجي ابيض وبني / ويجي ابيض واخضر...
اسمه الدريموفيد وناخذ منه الأخضر والابيض مش البني ......

وهو اهم شي عشان ماتضرك الكريمات ...

او تتحسسي منها ... انا بشرتي حساسه ومع كذا الحمد لله ماضرتني ...

جيبي زبديه واخلطي كل الكريمات هذي مع بعض زين زين ... ولاتبقي اي تكتل...
حطي بعلبه خاص لوجهك والباقي

زوديه ب لوشن تفتيح او تأخير نمو الشعر او اي لوشن تفضلينه وخليه لجسمك

وممكن تحفظيها بالثلاجه او برى ...

وصيري ادهني وجهك فيها كل يوم ورقبتك واذنك واي مكان نفسك يتفتح مثل الركب والاكواع ...


وبكذا خلص الشور حقت وسرتي ناعمه
وخلال شهر بإذن الله راح تشوفين نفسك متغيرة 180 درجه
بياض نعومه صفاء وتوحيد لون
انا جربت هالطريقة قبل 7 شهور تقريبا ايام خطوبتي الاولى والكل ان يحسب اني اروح لدكتوره او استخدم شي خارج عن الطبيعه>>>متعوب عليها الكلمه

المهم ياحلوة فاكره التونك حق الشعر ؟؟
اذا طلعتي صفيه وحطي المويه ع الجذور والشعر كله
ما شاء الله تبارك الرحمن بتشوفين لمعه ونعومة من اول استخدام ومع الاستمرار تشوفي طول

المهم ((هذا برنامج الشور بسسس عندي )) وكان يووومي لاحظو

اما ماسكات البشره وبعض عيوبها والشعر وتونك بعد استخدمه راح افصل لكم بالرد الثاني >>>باخذ بريك ^_^
فاقده قلبها
فاقده قلبها
اكس نونو
ههههههههههههههههههههههههه الحريم لا يزعلون كيف حالكم ياحريم هع