افرح ولا احزن بحملي... انصحوني

خواتي حبيت افضفض لاحد بس ما اقدر افتح موضوعي لاحد غيركم وعشان جذي ابيكم تقولون لي شنو اسوي
ابدا قصتي .. انا تزوجت وعمري 28 سنة واول ما تزوجت حبيت اني احمل وظليت اتعالج والحمد لله بعد 9 شهور حملت ويبت ولدي الاول وبعد سنه ونص حملت بالولدي الثاني وبعدها تقريبا باقل من سنتين حملت ببنتي والفترات ما بنهم كانت مناسبة ومريحة بالنسبه لي ولما كان عمر بنتي 4 شهور حملت وبصراحه ما كنت فرحانه بهالحمل وكانت المفاجئة انهم توام :32: حمدت ربي على نعمته وجبت اولادي والحين اعمارهم 10 شهور ومن يومين اكتشفت اني حامل:06:للمره الخامسة يعني ماشاء الله انا ام لخمسة اطفال والسادس في الطريق وان الحين 32 سنه ....اتقولون لي ليش ما خذت موانع ... بقول لكم اني شريت حبوب منع حمل ولكن خفت اني اخذها من قريت اعراضها واعتمدت على طريقة العدو وانا الحين ما دري شنو اسوي هل اكتم حملي ولا اقول لاحدلين يكبرون عيالي على الاقل يكون عمرهم سنة مع العلم اني خبرت امي حبيبتي وانا دموعي اربع اربع وحاضنتها وخففت علي شوي والله ما انسى كلامها الله يفرج عليها دنيا واخره وحسستني ان الامر عادي وان هذا رزق ونعمه من رب العالمين الحين شيروا علي اعلم ولا اكتم وكيف اتقبل هالحمل لاني مب فرحانة فيه... انتظر ردودكم