افريكانو بارك اللي على طريق المدينه شوفوا ايش فيه البارح

السلام عليكم ورحمة الله اخواتي الحوائيات انا البارح سلمكم الله رحت انا وزوجي واولادي لاءفريكانوا اللي على طريق المدينه واحنا متعودين عليه من زماااااااااان بس انقطعت فترة 6 شهور ما رحناله وقدر الله البارح ورحنا وتعمدنا نروح الخميس عشان فيه دايم مهرجان للاطفال برئاسة عمو وليد رامج الحفل دايم روعه مسابقات واناشيد وتوزيع جوائز وحتى الكبار فيه لهم برامج المهم يا خواتي البارح جلسنا ببيت شعر وطلبنا العشاء ذاك السمك وصياديه وقمبري \شهيتكم صح:hahaha: وبعد العشاء اولادي اخذوا فلوس كالعاده وماعاد نشوفهم الا لما يطلعوا اللي بروسهم من اللعب والوناسه وشويه وانا وزوجي نسمع ذيك الطقاقه وذاك الدق كئن بقاعة نوف :27:المهم مشيناها قلنا غلطه وشويه زادت قلة الحيا والمسخره والا مابقي مغني حمار او مغنيه الا ينعقون وطبعا ديجيه قلت لزوجي بروح اشوف ايش فيه ترى انا احب اللقافه :35:والله ورحت لين المسرح وطول الطريق وانا اشوف شباب كثير واستغربت لاءن المحل حق عوايل بس ولما وصلت المسرح والله يابنات ما ابالغ ولا اكذب من هول ما شفت جلست واااااااااااقفه والله يابنات كان المكان مليااااااااااان بنات وشباب يعسلون ويشيشون وبعظهم ماسكه الدخان ويتمايلون على الاءغاني وطول الوقت اردد استغفر الله وكنت خايفه لا يخسف بنا ربي من المعاصي شي خيال تبرج سفور عبايات اللهم استرنا كئنها فستان سهره ومكياج على كيفكم وحركات وتبادل نظرات بينهم كان نفسي امسك الميكريفون واهزئهم كلهم واطلع اللي بقلبي عليهم وقعدت ادور ورعاني ما ابغاهم يشوفون العفن اللي وصلنا له في بلاد الحرمين وما بيننا وبين المدينه غير كم ساعه وما استحوا من الله وغير كذا وقت السحر ونزول رب البريات ليسمع دعائنا وهذولي الله يصرفهم عنا بكل وقاحه كئنهم بدوله غير بلاد الحرمين واخذت اولادي وارجع لزوجي دخلت عليه قلتله بسرعه يالله البيت قال ايش فيه قلت بعدين اعلمك وجلست مقهوره للاءن منهم الله يحاسب اللي ماسكها وحلفت ما عاد اطبها طول عمري :44:وسلامتكم