افزعواااا لي يابنات عالم حواء اخت زوجي واخوي

مادري من وين ابداء انا متزوجه من سنه و8 شهور زعندي بنت الله يحفظها مااطول عليكم





السااالفه زوجي من يوم ملتزوجني بفتره وهو يزن علي اخطب اخته لاخوي لان اخوي ماعليه ووظيفته كويسه وكان يشطب بيته الملك واخوي ماشاء الله عاقل وبار بامي وعلى مايقولون زوج لقطه وعمره 33

المهم حمولتي طول زواجي مااحتكيت فيهم كثير يعني هم رسميين معي كثير وانا احترمت هالشي لان امهم عندها محلات وشغل واخت زوجي هاذي مدرسه وانا بعد مدرسه فكان الوضع مناسب مع اني كنت اتمنى اتواصل معهم كثير لاني من حبي لزوجي حبيت اهله كثير المهم كنت ازورهم او اطلع معهم كل شهرين مره وكانت دايم المبادره مني وبالنسبه لحريم اخوانهم الكبار هم ثنتين وعندهم عيال ومعاشرينهم زين مايجونهم الا بالاعياد والمناسبات الرسميه بس وكنت استغرب واقول انه قل وصل من حمواتي

تجيكم السالفه اخت زوجي ماعليها حلوة ومايعيبها شي الا انها اكبر من اخوي عمرها 34 بس زوجي كان يقول حظها شين وهي طيبه وقلبها مثل الطفل طبعا انتو عارفين من البدايه علاقتي فيهم رسميه مااعرف دواخلهم
فكنت كل ماشفت اخوي امدح فيها وخواتي معي لين دخلت براسه
وفي عيد الاضحى سافرت مع هلي وهو قعد بالرياض المهم قلت اخوي بيخطب ومن هالكلام واستانس طبعا انا وامي وخواتي نعرف اخت زوجي وشكلها يعني احنا اهل
راحوا اخواني تقدموا رسمي وخطبوا ورحبوا اهل زوجي فيهم وقالوا امهلونا نسال البنت قالوا اكيد من حقكم
بعد اسبوع ام زوجي تتصل علي وتقول ليش ترسلين اخوانك قبل ماتجين انتي وامك اول قلت لها مايحتاج نجي احنا عارفينها ومرشحينها لاخوي وباغينها ورفضت وقالت لازم تجون قلت ان شاء الله برد لك فاانا كنت خبيره بشخصيات اخواني فخفت يقولون وش هالكلام يخطبون الحريم بعد الرجال من باب اني ابي استر على حمولتي كلمت زوجي وقلت بنروح انا وامي وانت الي ودنا قال خلاص تخيلوا بنفس اليوم ام زوجي راحت دقت على واحد من عيالها وقالت ليش امها ماتبي تجي ومدري وشو راح هذا ولدها دق على اخوي الكبير المتزوج وقال لازم تجي الوالده ان امي ماخذه فخاطرها وودها ياخذون رايها وان اختك الي هي انا تقول انكم حالفين عليهم مايجون قال اخوي مالكم الا الي يرضيكم ويتصل علي اخوي الي يبي يخطب الهانم ويهزا فيني انتي مالك كبير ليش تردين عليهم من راسك ليش ماتبيني اخذها وكلاااااام كثير رحت بكيت وعلمته ولاصدقني انهم افتروا علي
وبلحظة حسيت فيها بالغضب والظلم ارسلت لاخت زوجي حسبي الله عليك وعلى اخوك زي ماظلمتوني
بعدين هدت الامور كم يوم ماتحركوا هلي ولاراحوا لهم ولاهم كلموا
رحت انا كالعاده بغبائي ورحمه لاخوي حسيته يبيها وكلمت ام زوجي وحددنا موعد نروح لهم ورحنا المهم بدوا بالتحاليل ويم طلعت النتايج ارسلت لها على جوالها مبروك الله يتمم على خير
طبعا حددوا الملكه بعدها باسبوع وقالوا رجال بس
واثناء الملكة يم دخلوا الدفتر عشان توقع قالت كم المهر قالها اخوها مو زوجي 50 الف اطمانت الحرمه لانهم معطيني نفس المهر بعدين قالت وين الشبكه قال اخوها ماجاب شي معه قامت رفضت توقع وقالت لازم الشبكه تخيلوا وابوها واخوانها واخواني كلهم بالمجلس ينتظرون رجوع الدفتر راح اخوها نفسه الظالم ذاك ونادى اخوي من وسط الرجال وقال لازم تجيب شبكه لان اختي زعلت وتقول مهيب قليله قال اخوي ان شاء الله ماراح ننقص شي ووقعت الهانم يم رجعوا اخواني قالوا لنا انا وامي واختي ثانيه متزوجه قلنا لهم ماخبرنا الرجال يدخلون بالشبكه لكن خلاص بناخذها ونروح لهم هالاسبوع ونبارك المهم اثاري الهانم غيرت رقمها من قبل مايتملكون ولااعطتني اياه فاختي كلمت امهم ورحنا لهم بعد الملكة ب 5 ايام ورحت شريت لها طقم ذهب هديه من عندي غير الشبكه
ورحنا انا وامي وخواتي ثلاث وبنت اختي ومرة اخوي الكبير ومعنا المعرس ودخلنا وباركنا وجات هي وسلمت والامور تمام وكان اخوي بالمجلس واحنا بمجلس ثاني جنبه وعطيناهم الشبكه ورحت مديت هديتي لها وقلت هاذي مني راحت وقفت بكل جبروت وقدام اهلي الي مايدرون الا انهم زوجوا اخوهم ملاك وقالت لا شكرا مااقبل هديتك ماباركتي لي يم تملكت انا عجز لساني عن الرد قلت لها بالزمن خير تعمل شر تلقى وطلعت وتخيلوا قامت تقول لخواتي مرسله لي تحسب علي ومدري ايشش قامت امي تصيح وقالت ماجمع بينكم الا هي هذا سواتك فيها وطلعت امي قاموا خواتي هدون الامور ويقولون مالك احنا بفرح وشوله هالكلام واخوي المعرس المسكين يسمع صوت العروسه قاعده تهاوش وتسب ومدري ايش طلعنا وطلع معنا اخوي وهو لاشافها ولاقعد معها ونادني وقال وش السالفه رحت قلت له الي صار زي ماحصل قالي حسبي الله عليك طيحتيني في هالمشكلجيه الي قلبها اسود المهم زوجي تفشل وحس ان اخوي بيطلق وانا فعلا هاوشت زوجي وقلت عارف ان اهلك كذا ليش خليتنا نتورط معهم ماصدق على الله تهاوش معي ورمى علي طلقه تخيلوا رجعت لهلي بسبب هالانسانة الشوم راح اخوي المحكمه وطلق وراح لاهل زوجي وتخيلوا رجعوا له 25 الف بس وقالوا الشرع يحق لنا ناخذ نصف المهر وتخيلوا ماعطوه الشبكه ومازلت انا في بيت اهلي مع بنتي ولا ادري وش مصيري

ابي راااايكم بكل امانه بالللي صار وهل سبق شفتوا مثل هالناس انتظرركم