السلام عليكم ..
انا محتاجه رايكم ووقفتكم معي ..
انا عمري 21 كنت اتمنى انخطب واتزوج واكون عروس والبس الفستان الابيض وانزف والاهم من هذا كله اني اكون مع انسان احبه وارتاح له ..
يمكن غلطت لاني رسمت صوره لفارس احلامي وتعلقت فيها بس ما كنت اتشرط الوسيم مرره يكفيني مملوح ومرتاحه له وقابلته بس كنت اهتم بعايله يعني ابي ناس اغنياء ورزة ..
المهم قبل 4 شهور خطبني واحد من عايله كبيره ومعروفه وهم من طرف زوجة اخوي جو وشافوني انا لما دخلت انصصصصصصصدمت منهم لانهم كانوا مرره ملتزمين وهذا شي حلو ماشاء الله بس انا عاااديه جدا ودايم اخاف من هالفروقات وبعد كانوا مرررره قراوة ولبسهم يفشل ادري بتقولون شي تافهه وسخيف بس انا تهمني هالاشياء وحنا عايله نحب الكشخه واللبس يعني تخيلوا جايبين معهم كليجا اقسم بالله بغيت اصيح لان اخواني الاثنين كلهم متزوجين وكلهم باول زياره لازم نجيب صينية شوكولاته غاااليه وفخمممه المهم حاولت اتغاضى عن هالشي واتعوذ بالله من الشيطان وقلت اهم شي الرجال ..
المهم اهلي قعدوا معه وشافوه وابوي اخوي ارتاحوا له مررره وهو مهندس ويبي يسافر يكمل برا ولما سالنا عنه الكل ماشاء الله مدحه وقال طيب وابن حلال .. ابوي واخوي مرره متعلقين فيه ومرتاحين له ..
انا استخرت الله ونمت وقمت بعدها للشوفه وماكنت احس بشي لما طلعت من الشوفه كان شعوري متبلد بس من بكرا جتني ضيييييقه فضيعه وصياح لدرجة انهم دقوا وقالو الولد مرتاح الحمدلله انا وقتها قعدت اصيح واصارخ واقول ليش يوافق ( انا شفت صورته قبل وما اعجبني بس عادي حاولت ما اهتم لانه مو قبيح ) قعدت اسبوع متردده وبس اصيح ابي ارفضه بس مو قادره ومتحسفه فيه المهم قررت اكلمه بعدها اترحت شوي وقلت لاهلي موافقه المشكله رجع لي نفس الشعور بس قلت اكيد وساويس وقعدت استخير وادعي ..
يوم التحليل اللي يشوفني يقول هذي بتموت فيني ضيقه حتى لما طلعت النتيجه مافرحت ..
المشكله احسه طااايح من عيني مررررره لا شكله عاجبني ولا لبسه ولا هو شخصيا عاجبني مافيه شي يجذبني ..
المهم حاولت احمس نفسي وافكر بالزواج ما انكر اتحمس للزواج والزفه والحفله بس لما اتذكر اني ابروح معه اتضايق وينقبض قلبي .. حتى اسمه ما احب يقولونه عندي ..
بعدها بفتره قعدت مع امي وابوي وانفجرررررت صحت من قلب وقلت مو مرتاحه بس قالوا لاهذي وساويس وانتي وافقتي بالاول وكلمتيه تعوذي من بليس .. بس انا احس جد مو مرتاحه كاني جالسه على جمر فيه شي يخنقني ..
المشكله اللي متعبتني شكله ادرررررري بتقولون الشكل مو مهم واهم شي الاخلاق وحرام احكم عليه من شكله ادري والله ادري بس انا ما اقول ابي وسيم بالعكس اصلا اهلي وخواتي يشوفونه مملوح بس ابي شخص مقبول ..
يعني لما اشوف صورته اكششش ياناس ينقبض قلبي اكررره اشوف صوره .. المشكله هو مو شين لكن بعيوني وحش سبحان الله فيه شي يخليني انفر من شكله ..
صرت اتحسر على حالي ووصل فيني اني اقرانه مع رجال ثانين ..
اهلي اعلنوا للناس وكلن دق يبارك وانا مهمومه واصيح وماحسيت بالسعاده اهله ارسلوا المهر وانا حتى مافكرت اصرف الشيك .. ارحمه وارحم اهله كل شوي يدقون يبون يحددون الوقت وانا اصلا للحين ماقررت اذا موافقه او لا ..
تعبببببببببت من الصياح والتفكير واهلي تعبوا من ترددي كل شوي لي قرار اخر شي قبل شهر قلت لهم خلاص ما اقدر اضغط على نفسي اكثر قولوا لهم الله ماكتب نصيب ..
انفجر بوجهي اخوي قال بعد 3 شهور او 4 تقولين ما ابي انتي بتفشليننا عند الناس وسببك تافه كيف تكرهين شخص ماتحبينه وحنا مرتاحين له واكيد انتي بترتاحين بعد الملكه قلت له ما اقدرر اتملك على شخص ما ابيه ومو منجذبه له ولا عندي احساس الفرحه او الحماس وبعدين ايش يظمن لي اني ابرتاح وايش يظمن اني ما اطلب الطلاق .. بكككككككيييييت وترجيته بس رفض .. وقتها كرهت خطيبي اكثر
وكرهت اخوي .. حاول فيني اخوي بس انا معنده هنا سبني وشتمني وقالي انتي ماعندك احساس بتفشلينا وانتي مارحمتي ابوي اللي نفسيته تعبانه علشانك وانا خلاص متبري منك وقالي كلام ماينقال انا انصدمت من اخوي اللي اقرب واحد لي اللي كان يشكلي واسمع له الحين انا صرت ظالمه وما اخاف الله ..
تخيلوا اخوي جرحني صار له شهر مايكلمني تخيلوا اذا دخل البيت يسلم عليهم كلهم الا انا .. يعاملني كاني ميته .. يالله احس اني مسويه شي غلط او مشوهه سمعتهم ..مجروووووحه مررره من اخوي اللي تبرى مني ومن زوجته اللي صارت تعاملني بالمثل .. يااااناااااس هذا حقي والشرع اباح لي هالشي ليش يسوون فيني كذا ..
انا الحين بين نارين بين اني اوافق وارضي اخوي وبنفس الوقت اني اتزوج شخص مواصفاته حلوه والكل يتمناه بس مو مرتاحه له وكاشه منه وبين اني ارفض واخسر اخوي ويمكن بعد اخسر شخص فرصه لي واندم بعدها ..
ابموووووت راسي بينفجررر مدري وش اسوي ..
صديقتي اقترحت علي اني اطلب شوفه ثانيه تقول يمكن ترتاحين لاني صدق بالشوفه الاولى ماطولت ولاكلمته ولا شفته زين بس المشكله منحرجه منه يعني بعد 4 شهور اقول ابشوفك ثانيه احسها اهانه للرجال وهو ماله ذنب .. لما شاورت اختي ايدتني بقوووه .. وش رايكم عادي لو اشوفهه ثانيه ؟؟
ووش اسوي بوضعي ارفضه او اقبل ؟؟ طيب ليش انفر من شكله ومنه كله يعني فيه شي ثاني منفرني ومخليني مو مرتاحه بس ما ادري ايش و ليش ؟؟ اخاف يستمر هالشي ..
%SARAH% @sarah_38
عضوة جديدة
يلزم عليك تسجيل الدخول أولًا لكتابة تعليق.
كت كآآآت
•
لاحول ولاقوة الا بالله عليك بالرقيه
واذا جد جد مو طايقته افسخي الخطبه الزواج موب لعبه
والله يكتب لك اللي فيه خير ويفرجها عليك
الله يرزقني ويرزق كل بنت تتمنى بالازواج الصالحه والذريات الصالحه عن قريب الله كريم
واذا جد جد مو طايقته افسخي الخطبه الزواج موب لعبه
والله يكتب لك اللي فيه خير ويفرجها عليك
الله يرزقني ويرزق كل بنت تتمنى بالازواج الصالحه والذريات الصالحه عن قريب الله كريم
أنصحك تقرئ البقرة وترويحي لشيخ يقرأ عليك ليكون فيك شئ يبعددك عن الزواج ولا مسويينلك شئ
لا تسترعي بالرفض لانه مافي سبب واضح غير نفوركك منه بدون سبب
صاحبتي جاها عريس ونفس حالتك رفضت كثير وبالاخرر ااكتشفو فيها سحر تعطيل الزواج
لا تسترعي بالرفض لانه مافي سبب واضح غير نفوركك منه بدون سبب
صاحبتي جاها عريس ونفس حالتك رفضت كثير وبالاخرر ااكتشفو فيها سحر تعطيل الزواج
النجمه1
•
شوفي بالنسبه للشوفه مهي حلوه تعيديها بعد4 شهور وتقدري تعوضيها بصوره له من اخوكي يدبرها لك باي طريقه والشي الثاني اللي متعب نفسيتك هو انك راسمه زوج المستقبل في مخيلتك انه غني وكشخه وانييييييق وحطي عند هذي الكلمه كذا خط لكن ابدا مهي مشكله انتي تقدري تعدلي من ذوقه شويه شويه بعدين اهم شي انه رجل صاحب دين يخاف الله فيكي متى ما تحقق هذا الشي اعرفي انك في سعاده باذن الله والدعاء اكثري منه انه ربي يكتب لك الخير كله عاجله واجله وربي يعطيكي خيره ويكفيكي شره والزمي الاستغفار اسفه على الاطاله
لاتزعلين من كلامي بس أغلب البنات ماتزوجو من الدلع الفاضي الرجال اخلاقه زينه ومستقبله حلو وماعليك من اهله كل ناس وطبعهم مايجونك تفصيل ع مزاجك يعني زي مالك طبع هم نفسك وهالشكليات صينيه كشخه او كليجا ياما ناس كشخه ويطيرون البنات بالعجه واخر شي ولاشي سنع من وراهم انا من رايي توكلي على الله وتعوذي من ابليس ولاتخافين
الصفحة الأخيرة
وانكسري بين يديه وهو راح يساعدك ادعي الله باسمائه الحسنى ماراح يخليك لانه رحيم
ودام اخلاقه حلوة وشكله مقبول انت راح تغيريه في الاهتمام واللبس
واحرصي ع الرقيه الشرعيه ممكن فيك حسد لانك تقولين تشوفيه بشكل غير عن اهلك
الله يكتب لك الخير