افشاء الاسرار

قللي اختلاطك بالحريم لفتره

الشخصية الودودة تحب تتكلم و ما تحب تحط حدود بينها و بين اللي تجلس معه ،
و هذا تقريبًا اللي يحصل معك ،

المهم يالحبيبة اللي يصير معك لأن صار مثل الطبع ، و إذا ناوية تغيرين من طبعك و عادتك قبل تروحين لأي عزومه أو اجتماع ذكّري نفسك إنه اليوم بإذن الله ما بأتكلم عن الأمور الخاصة بحياتي .
و لو تكلمتي قليل عنها عادي
لكن كل مرة ذكّري نفسك بهالشيء إنه اليوم بأتكلم بأمور عامة بإذن الله .

مع الوقت بتلاحظين إنك بدأتي تقللين من هذا السلوك ،، و هذا إنجاز حلو لك بإذن الله

ًو لا تنسين استعيني بالله قبلها و ادعيه ييسر لك إنك تتكلمين بالخير العام .

و صدقيني لو كل مرة فكرتي فيها كذا ، بتلاحظين الفرق .

لكن لا تستعجلي النتائج .. و مو ضروري تقطعي الطبع نهائي ،، لكن المهم هو إنك تقطعي الكلام عن الأمور الخاصة جدًّا أو الأمور اللي ما اكتملت أو اللي شخص استأمنك عليها حتى لو زوجك.

والله قللت وصرت مااختلط باحد غير اهل زوجي ومودايم عندهم بس كمان مافي فايده

صحيح و أضيف إنه حلو تقللين كلام ،،
لأن معروف يقولك : من كثر كلامه ، كثر سقطه

يعني من يكثر من الكلام ، يكثر من الأغلاط و الكلام فيما لا فائدة منه .

لذلك أعطي غيرك مجال يتكلم ..
و اسمعي لهم
و لو تحبي ممكن قبل اجتماعكم فكري ببعض المواضيع الحلوة اللي عرفتيها و قرأتي عنها بالنت أو غيرها تشاركينهم فيها.
لأن ممكن إنت تحبي تشاركي باللي عندك من سوالف ، لكن لأن ما عندك مواضيع غير تفاصيل حياتك اليومية صرتي تشاركينهم هذه التفاصيل الصغيرة .

الصفة هذي سيئة ولكن مايتصف فيها الا الإنسان اللي قلبه طيب ويحب الناس، بس اذكرك بالمثل (ماندمت على السكوت مرةً ، ولكن ندمت على الكلام مرارا).
(ولسانك حصانك ان صنته صانك وان خنته خانك) والله يكفيك شر من كان فيه شر يالطيبه🤲🏻