افضفض

يا بنات متضايقه شوي وان شاء الله انها اكبر همومي والموضوع فضفضة لا غير



انا وحدة اروح وارجع اوبر وكل حياتي ماشية مع اوبر من اخذت زوجي
ماعندي اي وسيلة نقل غير الاوبر
كل تطبيقات السواقين ماينزل شي جديد الا اعرفه

وزوجي شخص مشغول مايفضى ورافض السواق لانه يبي له ميزانية
وراتب وسيارة واستقدام الخ ويشوف ان ماله حاجة ضرورية او ملحة
يعني لو بروح عزيمة اوبر بروح لاهله اوبر .. بروح بقالة اوبر بروح اي مكان اوبر .. ومعي اطفال الوضع متعب والله نادر جدا يوديني ولو وداني ما يرجعني نظامه دبري نفسك



ينكسر خاطري لما اطلع بدري من مكان كل همي اوصل بسرعه قبل يتاخر الوقت وارجع مع سواق مهبول ولا مجنون

والله مرو علي اشكال عجيبه في اوبر الوسخ والمؤدب والمجنون والسكران يارب لطفك شفت العجب وصارت مشاكل وبالاخير مهما قلت سويت ترجع حليمه لعادتها القديمة



اهلي قالوا تعلمي السواقة ونعطيك سيارة وزوجي شجعني عشان يشتري لي وبعد مرمطة شهور وتعليم
اهلي طلعت الرخصه سحبو علي 😂

وزوجي عطاني المقفى يقول مافي ميزانية

طيب ليش من الاول تطقون الصدر
وليش الوعود من الاول الله يهديكم ☹️

كانت احلامي بسيطة ومبنية على ذي السيارة
اتخيل احط عربية الصغير و اغراض الكبار بالسياره ونصير ندخل ونطلع بدون بهذله ونقل عفوش وبدون خوف من السواق الي بيجي وبدون ما اشيل هم الوقت لا نتأخر انا واطفاالي
لكن انصدمت بالواقع الكلام سهل والواقع شي ثاني يوم جا الجد الكل اخذ وضعية الصنم
الي تتعلم السواقه يابنات لا تبهذلون انفسكم الا وفيه سيارة
سالفه تطلعونها بتنسون كل الي تعلمتوه بدونها ما يسوى الموضوع 😘
الله يسخر لنا ولكم كل الخير يارب 🥰
الموضوع فضفضه دعواتكم