افضلها الناجل والحريد والشعور والهمور

شوفي انا مثلك ماعرف لكن توكلت على الله ورحت سوق السمك واخذ ت هامور وتطلع القيمه مره غاليه 180 ريال واحنا عددنا بالبيت سبعه اللي ياكلون السمك وحسيته غالي وبعدين رحت مره ثانيه يوم الاربعاء اللي فات للشركة السمك وسألت وهبلت بالعامل لحد ما عطاني المهم واعطاني كيلو سمك اسمه حمام ابيض وكيلو سمك اسمه حمام وكلفني بس 54ريال يابلاش ورجعت البيت وحطيت في الخلاط بصله وست حبات ثوم وربع حزمه كزبره وربع حزمه بقدونس وليمون وكركم وبهارات مشكله وكثري الكمون والملح والفلفل الاسود وزيت زيتون وقبل فركت السمك بدقيق مخلوط معه ملح ناعم ثم غسلته بالماء (الهدف من غسله بالدقيق ازالة الزنخه والريحه)ثم جففته بمناديل مطبخ بعدين قطعيه خفيف مع الجنب بسكين علشان يشرب التتبيله (زي مانسوي بلحم الشوي ان شاء الله تكونين فهمتيني )فركته بالخلطه من جوا وبرى وحطيته بصينيه بايركس(زجاج) بالثلاجه (الهدف من الصينيه البايركس هو غسل الصينيه فيما بعد بكلوركس لازالة ريحة السمك فقط ) وماتغدينا الا المغرب يعني تتبل 6ساعات وغطيته بالدقيق المخلوط معه قليل من الملح والفلفل ثم قليته بزيت عافيه كثير يعني غمرته وماشاء الله الريحه والطعم تاخذ العقل زوجي وولدي والشغاله كلهم انهبلوا يقولون روووعه كل اسبوع صلحيلنا واذا عندك اطفال خوذيلهم قطع فيليه علشان الشوك واذا عندك اي سؤال انا جاهزه ويشهد الله اني مخلصه في الاجابه لاني اعرف شعور الفرح لما اصلح شئ ويظبط وبالمناسبه ترى الان موسم الربيان اخذته من كارفور الكيلو بثلاثين وخوذي ربيان الخليج العربي انظف من البحر الاحمر وجيزان لونه على وردي

الناجل قمة من ناحية القلي و الشوي بس في القلي أحلى و فيه الحريد ينفع للشوي

الهامور