كوبونات الراقية تسجيل الدخول

بطه84
بطه84 •
وينكم بنات فتحتوا الموضوع
ونسيتوه
مشكلتي محد فهمني
مشكلتي محد فهمني •
راميا راميا :
عندكم د/عبدالله العتل في المركز التخصصي الطبي اللي بطريق الملك فهد ويجي أحيانا بالعيادات الخاصة اللي بطريق الملك عبد الله يعني تحجزون عندهم وهم يكلمون الدكتور ويجي يكشف عليك ..
عندكم د/عبدالله العتل في المركز التخصصي الطبي اللي بطريق الملك فهد ويجي أحيانا بالعيادات الخاصة...
السلام عليكم

انا توني مسجله لما شفت هالموضوع فما ادري إذا تقفل او انسى
فـ قلت اكتب تجربتي لكم وان شاء الله تستفيدون منها
بس حبيت اسأل د-عبدالله العتل هو نفسه اللي بمستشفى العسكري او تشابه اسماء لأن اللي اعرفه انه بالعسكري مو بالمركز التخصصي

عموما

انا عندي نفس المشكله من صغري صار لي حادث وما كان واضح ان فكي متقدم وانا صغيره يوم كبرت وضح هالشي
طبعا هو مو واضح مره بس الفكين ما يتاطبقون على بعض فرحت لدكتور بالحمادي الله يهديه؟؟ نسيت اسمه
ولما كشف علي خوفني من العمليه بشكل لا يوصف لدرجة انه خلاني اتردد اني اسويها وابوي اللي نصحني اني اسويها لما سمع كلامه قال لي احسن لك لا تسوينها لانه دخل بالسالفه على طول بيصير لك وبيصير لك والعمليه صعبه ووووو كلام خوفني منها بجد وقال هذي العمليه ما نسويها عندنا سأله ابوي عن العسكري قال ايه تقدرون تسونها فيه
المهم بعد كلامه جلست سنه متردده بس بعدين قال ابوي روحي لغيره وشوفي وش يقول رحت للعسكري وانا مدري اساسا من الدكتور اللي بدخل عليه المهم اشوف إذا كلامه نفس اللي قبله او لا بعد ما كشف علي قال لي ان العمليه يمكن تكون صعبه لك لكن لنا احنا الاطباء من العمليااات السهله<<حلو هذي اولها>> وما دخل لي بتفاصيل العمليه عشان لا يخوفني منها وبعدني حولني لدكتور التقويم اسمه عماد السعدي وقال لي نفس كلامه وان شكلك بيفرق لو سويتيها ولو انها وحده من بناتي قلت لها سويها<< صراحه اقنعي >> وان الدكتور عبدالله شاطر بهالعمليات
المهم اني تابعت مع دكتورة تقويم وقبل اسبوع ولله الحمد سويت عملية توسيع الفك العلوي يعني يوم الاحد 26-12 1430هـ عند نفس الدكتور جلست 4 ايام بالمستشفى صحيح وجهي مورم ومنتفخ إلى الان بس لازم بعد العمليه وان شاء كل شي بيرجع طبيعي ان كان مو احسن من قبل ولي عمليه ثانيه بعد سنه ترجيع الفك الفلي شوي وشد لانه مرتخي وتقديم العلوي شوي

ان شاء الله تساهيل << دعواتكم>>


فأنا انصح بهذا الدكتور عبدالله العتل صحيح الشفا بيد الله بس ما شاء الله عليه عيني عليه بارده يكفيك أخلاقه
@ innocence @
@ innocence @ •
هلا والله مشكلتي محد فهمني الحمد لله عالسلامة

وفعلا عبد الله العتل سمعت انه شاطر ويشتغل بالتخصصي الطبي والعسكري

يلا ان شاء الله تتسهل باقي عملياتك وكل شي يطلع تمام وتفرحين بالنتيجة النهائية
نور العيوون
نور العيوون •
للرفع
صدى الامواج
صدى الامواج •
الحمدلله على السلامه حبيبتي وان شاء الله تلقين اللي يسرك يارب

واختي بطه استخيري وشكل الدكتور عنده ذمه ويخاف الله