اقولك اختي هادا الموضوع ساير لنا احنا المشغولات ازمه والله ( حاسه بيكي )
بس صدقيني ماهو بالجنسيه حسب طبيعتها هيا
يعني تصدقي شفت عند وحده اعرفها نيباليه هندوسيه تعشق الاطفال وتلعب معاهم طيره وغميضه وطش
انا والله انفجعت من اللي بتسويه مع الاطفال ( ماشاء الله تبارك الرحمن )
وانا عندي وحده تنحط على الجرح يبرى ماشاء الله وتنتبه من قلبها على الاطفال عندي لكن ماتوصل لمرحله تلعب معاهم

رح اقولك على نصيحتي وانتي بكيفك اول شئ اجلسي في كل صلاه استخيري الله الين ماتوصل الخدامه بيتك
بنيه انو ربنا يرزقك وحده تخاف الله فيهم
الشئ الثاني لا تدققي معاها في الشغل خلاص انتي حاطه بالك انو ماتادي الاطفال يسير هادا المهم والله لو توصل انك تزودي راتبها 100 او 200 من البدايه
تصدقي انا اللي عندي من يوم ماجات كان حسب العقد راتبها 700 والله اني اعطيها 1000
من يوم ماجات لا وكمان دحين 1100 غير 50 بطاقه سوا ليها
بس اشان تكون طيبه والحق هيا طيبه ومتعامله معاها من قبل كانت الداده عند امي ( الله يحفظها) بس وانا كلمتها على بلدها وطلبتها تجيني واشان اغريها رفعت الراتب من 700 ل 1000
الواحد يخليه ايده رطبه معاهم ( بالدات انك موظفه ) وكمان اشان تستقر عندك زودي كل سنه الراتب ان شاء الله حتى 50 ريال

الشئ الثالث حاولي ادا تقدري تجيبي وحده مضمونه زي مثلا ادا عند امك او اختك او اخوك خدامه كويسه تطلبي منها تجبلك احد من جماعتها
وبرضو برفع راتب


شوفي انا الداده عندي تبغا تسافر بعد سنه ( الله يسهلها) ومن دحي مخليتها تدورلي وبراتب 900 علما بانو رواتيبهم 800
واني رح ازيدها كل سنه 50 ريال في الراتب

بالعربي استخيري وخلي ايدك رطبه يسيروا عبيدك ولا تدققي في شغلهم الباقي طاما عندك اطفال

والله يوفقك

حسب الشغاله ونفسيتها
مو على الجنسيه
يعني المسأله حظ
بس انتي من بين الشروط اكتبي انها تكون تحب الاطفال وتحب التعامل معهم
والله يرزقك بالحنونه الحليمه المسلمه الي تخاف الله

موفقة ان شاء الله

نفس الطلب

الله يسهل علي وعليك حتى انا مثلك ...