السلام عليكم صبايا
طبعا من مبدء حب لاخيك ماتحب لنفسك
حبيت افيدكم باشياء فادتني من المنتدى الغالي سواء خلطات بشره او شعر
بالاول اقولكم على بشرتي
كنت مهتمه فيها اهتمام فضيع مافيها اي مشاكل سوا اثار حبوب في منطقة الظهر وسمار في المنطقه الحساسه
جاتني فتره تركت الاهتمام وتدمرت بشرتي وشعري وجسمي
وبديت ارجع اهتم
جربت خلطات كثيييييييييييييييييييييييييييره بس راح اكتب لكم اللي نفعت معايه في وقت قصير
نبداء
الخلطه الصابونيه لوحده من الاخوات ماتذكر اسمها الله يجزاها جنات النعيم
المقادير
صابونة البابايا وهذي افضل نوع جربته مبشوووره
موية ورد تقريبا ثلاث ارباع علبه
اسكنول كنت ابي بالبابايا بس سبحان الله مالقيت الا ليمون وخفت الحبوب اللي بجسمي بنسبة 80%
طبعا لاني عجوله نقعته الصابونه بالاسكنول وموية الورد شوي ثم ذوبتها على النار هذي الخلطه الاساسيه واضفت عليها
ثلاث ملاعق كريم كاب رهيييييييييييييييييييب الكريم طبعا هو صنفره
وملعقه ملح الحليب لاني حبيت الخلطه الصابونيه فيها حبيبات تقشير بسيطه يعني ضربت عصفورين بحجر
بعدين خلطتها كويس ودخلتها الثلاجه كل يوم اخذ منها اللي يكفي جسمي واستخدم ليفة بودي شوب احلى ليفه بصراحه
طبعا اغسل الجسم بمويه دافيه لمدة خمس دقايق اوزع الخلطه الصابونيه على الجسم
بعدين افرك بالليفه كويس طبعا الليفه ماراح تؤذي البشره لانها مو قاسيه مثل الليفه المغربيه
واتركها دقايق على الجسم واغسل الجسم بمويه بارده كويس كويس لان الخلطه اذا جلست على البشره راح تسد المسام حاولي تدلكي بيدك وانتي تتشطفي بالمويه عشان تظمني ان الصابون راح
بعدين جففي جسمك كويس
واحلى كريم جربته هو فازلين الجديد لتوحيد لون الجسم
اللي لاحظته بعد اسبوعين من الاستعمال اليومي جسمي صار ناعم الحبوب اللي بجسمي خفت مثل ماقلت 80%
اثار الحبوب تفتحت مو كثير بس كبدايه طيبه البشره عموما فيها تغيير يعني تحسي باشراق
وهذي خلطه للشعر مره حلوه من ناحية التطويل والكثافه والنعومه واللمعه لحبيباتي
اول شي الزيوت
زيت كيشور دهني
زيت براشوت بجوز الهند
زيت زيتون
يتبع
طريقة الزيوت افضل تحطيها في علبة الاسكنول الفاضيه عشان سهولة الاستخدام
طبعا افضي علبه الكيشور في العلبه الفاضيه اللي مجهزتها بعدين اقيس في علبة الكيشور اربع مرات زيت بارشوت واضيفه على الكيشور واقيس مره وحده زيت زيتون ومره زيت سمسم
وخليها يوم وبعدين ابدائي استخدميها طبعا انا استخدمها يوم بعد يوم لمدة ساعه او ساعتين
بعد ماغسل الزيوت عن شعري ابخ عليه من خلطة السدر والاس واكليل الجبل لاحدى الاخوات هنا الله يجزاها الجنه
طبعا اذا غسلت شعري بالليل احط احط البخاخ لمن اخرج من الحمام وفي العصر احط بخاخ اسمه هيرباتون فيتامينات للشعر مره مرتاحه عليه
طبعا التساقط كان رهيب وخف 70% وصرت اشوف شعر جديد وشعري صار صحي اكثر
ابي منكم طلب وهو تدعون لي ان ربي يرفع عني هالابتلاء ويجعلني من عباده الصالحين المتقين الابرار
مابي اشرط واحلف الا تردون لاااا يكفيني انكم تستفيدوا من الموضوع وتدعون لي بظهر الغيب