هلا اختي .. عااااااادي أسئلي براحتك ..
بالنسبه لإبرة الظهر .. والله ما ادري متى حطوها لبنت عمتي ..
وبالنسبه ل سحر ممتااااااازة وقمه في التعامل وتجيكي حتى لو كنت ولادة بنص الليل ..وبعدين تعطيكي رقم جوالها اذا احتجتي لاي استفسار ..
أنا بالصدفه أخذت رقمها من اختي واتصلت عليها وماردت ..وبع ساعه رجعت دقت على جوالي , وقالت لي : الرقم هذا لقيته بجوالي بس كنت خارج البيت .. ؟؟>>>يعني شوفي طيبتها كيف ماتطنش الاتصالات ..وبأمانه تعاملها مع المرضى ..
وبعدين لاتشيلي هم لو ربنا ما أراد تولدي عند سحر مثلا .. لاتخافي لان الغالبيه ممتازين واخواتي مجربينهم .. (هدى , امل , ايمان ) خياطتهم فظيعه وتعاملهم .. ويقرأو عليكي طول الوقت ايات ووو ..
بس سحر ماتروح اجازة الا شهر فقط ويكون بالصيف .. يعني دحين راجعه بعد اسبوعين (1 شعبان) ..
بس المشكله الزحمه في عيادتها .. مررره .. بس انتي لمن تروحي تكشفي الافضل مايكون خميس لان الخميس زحمه وكثير ولادات عندها .. روحي بالايام الثانيه ولمن تخرجي من عندها أحجزي عند السكرتية حقتها على الموعد القام حتى لو بعد شهر عادي .. وتجي على نفس الوقت بالضبط ..
~دااانه~
•
شامه
•
جاتكم شامه بخبرها انا ولدت عندهم وزي ماقالوا الاخوات فندق خمسة نجوم والاحلى اني اخذه غرفة لوحدي معاي زوجي مرافق 5000 ريال واللي بدون مرافق 4500ريال واوقات يسوو تخفيض لمدة اسبوعين ومن حظي ولدي الثاني جبت في صيف العام الماضي كان وقت تخفيض يعني 5000 اصبحت 4500 لانه 1500 لدكتورتي من خارج المستشفى وهي اسماء شحرورة وعيادتها بجانب مستشفى فقيه بناية نورا معروفه بدينها وامانتها بس الدكتورة كانت مسافرة في الاسبوع اللي ولدت فيه وولدتني زوجة اخوها كمان نساء وولادة في نفس البناية وتود في فقيه اسمها اماني قنديل نفسها طيبه وهادئه وعلى قول الاخت اللي تقول يدخلون معاك الحمام اكرمكم الله صح انا دخلت معي وسوت وسوت وفي النهاية ههههههههههههههههههههههههههههههههههههههههههه حفظتني صريحه جدا
الصفحة الأخيرة
تولدي بالسلامه يا قلبي
بالنسبه للأبره الظهر ماعرف عنها شي ما جربتها
لكن انتي روحي للدكتوره سحر وقوليلها اللي بخاطرك
سألتها نفس السؤال وقالت ما تحتاجي ابره الظهر
لأن البنج يكفي وراح تدعيلي لما تقومي بالسلامه
جيتها على نهايه الدوامحقها كانت لابسه بتطلع
ولما جيتها الرحم مفتوح3 سم وقالت لا تخافين راح اجلس
معاكي الين تولدي خصوصا انك بكريه ......
والله جلست معايه من 3 العصر الى الساعه 8 العشا
لما فقت من البنج امي قالتلي انها توه راحت ......
وعادي يخلو امك تدخل غرفه الولاده امي جلست معايه
وجات سحر ثاني يوم زارتني في الليل تطمن عليه
وقالت هااااااااا ايش رايك بالولاده معايه
حكيتلك كل شي بالتفصيل