افضل دكتور للعلاج اظطرابات الهرمونات ..

السلام عليكم ورحمة الله وبركاته ...

عندي 24 سنة ولسى ما تزوجت وعارفه مكان استفساري غلط بس دخت وما لقيت موضوع ينفع
احط السؤال فيه ,قلت المتزوجات والباحثات عن الحمل ممكن يجاوبوني بخبرتهم ..

أنا عمري 24 ولسى اعاني من عدم انتظام دورتي واعاني من اشياء كثيرة مثل شعر الوجه "مع ان شعر جسمي قليل " اللي مع الاسف حارشته بالليزر وسويت اربع جلسات وصارت الشعره اعرض من قبل .
عدم انتظام الدورة زيادة شعر غير مرغوب فيه وحب شباب "سبق ان عالجته بروكتان ورجع بس على اخف بكثير والله الحمد" وتساقط متوسط لشعر الراس كلها علامات ان هرمون الذكورة "تستوستيرون" مرتفع عندي او عندي تكيس في المبايض .

الموضوع مأزمني واكثر شي هو الشعر من بداية ما بلغت وانا لاحظت انه يطلع في اماكن مو مفروض يكون فيها اتمنى من الله انه يشفيني وكل مسلم يارب ,وما انكر ان بسبب هذا الموضوع افكر في المستقبل لو بعد ما اتزوج بستمر على الليزر او من الممكن يأثر على الحمل .

سؤالي هو ايش افضل دكتور او دكتورة في شمال الرياض
من الممكن اروح له وانا واثقة في انه ما راح يحوسني زياده
واي بنت مرت باللي مريت فيه وعانت مثلي يا ليت تقول قصتها عشان استفيد

وشكرا واتمنى ان المشرفات ما يحذفون الموضوع حتى القى رد ..