افضل زيوت الشعر مين تجي ونستعملها ونشوف نتايجها مع بعض النتائج مضومنه بعد الله

السلام عليكم ورحمته الله وبركاته
ياحلوين يالي تدورن على الشعر الحلو والناعم والطويل والكثيف
انا بعد ابي واتمنى ان شعري يكون كذا النعومه الحمدلله كويسه بس الكثافه يالطيف ابد بعيده والطول مره نمو شعري بطيييييييي

طيب اليوم السبت تاريخ 27/3 راح نستعمل مجموعه زيوت لمده شهر بتمام والكمال الى يوم 27/4 ونشوف وش صار معانا
طبعا الشهر ماراح يبين اذا صار شي بشعر ولا لا لكن نحنا نشوف اذا لقينا نتيجه بعد شهر كويس
طبعا انا ناويه استعمل هذه الزيوت الين العيد
ياليت الي تبي تنظم معاي تدخل وتشارك معانا
وانا استخدمت هذه الزيوت لاني اولا اعرف نتائجها
ثانيا لاني شفت عمتي شعرها معدووووووووم وشبه مصلعه وحطت زيت المحلب وقسم انه تغير شعرها
وثالثا لاني حاليا عاطله عن الدوام فقلت استغل الفرصه دام زوجي بدوام واحطه
الزيوت
زيت خروع
زيت نارجين
زيت حلبه
زيت محلب
زيت زيتون
نضعها بمقادير متساااااااااويه ونحطها بالعلبه وناخذ منها ملعقه او على حسب طول الشعر ونحطه من فروه الراس مع التدليك لمده دقيقتين الى 3 دقائق وهذا اهم شي
ونوزعه على باقي الشعر
لمده ساعتين ونصف نغسله بس اولا نغسل بماء باااااارد لو ماتقدرون بس دخلوا راسكم تحت المويه بس مويه بارده ثم غسلوا بمويه عاديه مو الشامبو وياليت يكون شامبو الاطفال لانه خفيف على الشعر
اول ماتخرجون نشفوا شعوركم ولا تمشطونها ابد حطوا ياكريم مرطب او انا احط احيانا مسحه زيت زيتون وهو مبلل والله مره مايبان انه فيه زيت بالعكس يرطبه مره حلو
انا عندي زيت الزيتون مقري عليه
والي تقدر تشرب مويه زمزم احسن وتنوي الشفاء من كل مرض والطول والكثافه والنعومه لشعرها ولاتنسون اذا جيتوا تمشطون شعوركم تستغفرون وتسمون
طبعا ابعدوا عن الاستشوار قدر المستطاع والي شعرها مره مره جاف تحويه عاد الحوايه ما اعرف اوصفها يعني ترصين شعرك بالبنس وثم تقلبينه على الجهه الثانيه وترصيه مره ثانيه
وانا شعري مصبوغ يعني ان شاءالله مافيها خوف على الشعر المصبوغ
الايام الي نحط فيها الزيت سبت , والاثنين , والاربعاء
بس والي تبغى تغيرها مو مشكله بس المهم ثلاث مرات بالاسبوع لمده ساعتين ساعتين ونص ونغطي الراس بنايلون او حتى كيس البقاله
كان نفسي احط سدر مره وحده بالاسبوع بس الظروف مره ماتسمح ادعوا لنا ربي يفرج علينا ضيقنا امااااااااااااااانه دعوه الاخ لاخيه مستجابه مابيكم تكتبونها لي ابيكم تدعولي بسجودكم وانا بعد ماقد شفت وحده كاتبه دعوه الا ودعيتها لها



على فكره ترى كل الزيوت زينه لشعر بس المهم الاستمرار علشان كذا ابي نحمس بضع
انتظركم
انا الحين بروح احطه