افضل شدو استخدمتيه <<

تقومي بالسلامة يارب
شوفي حبيبتي شادوهات فور ايفر اتعب اقولك روعه لحالها او بالموية مرة تجنن بس غالية شوي
وعندك مكياجي عنده العلب اللي تجي مجموعة الوان مااعرف اسعارها بس معقولة ولا تنسي انها تجي مجموعة يعني بتستفيدي
روحي بودي شوب >>>مسوية دعاية منزلين اضاءات واشياء حلوة دحين وعندهم تخفيض وزهور الريف برضه خدي الاضاءات من دي الاماكن
سمعت عن بيل فيزاج بس مااعرفها بصراحه لو تروحي محلات محمود سعيد يمكن يفيدوكي لانهم هناكالموظفين عارفين اش اللي ماشي واللي يثبت بس انا انصحك بالمعروف والماركة لان العين منطقة حساسة ويبغالها شي مضمون

لو تاخدي من ديور فيه علب تجي كم لون جربي ولو تاخدي منهم شي واحد عالاقل مرة ستايل وتخليكي زي العارضات ويبان الغالي وسعره فيه طبعا ولانكوم عندهم الوان تجنن بس اللون الواحد اظن برضه غالي
خديلك لفة او اخواتك وشوفي على حسب ميزانيتك واشتري ششي ينفعك موبس حق يومين وترميه

انا متحمسه لديور ههههههههههه بس لي مدة عنها بس حاليا بجهز لزواجي وناوية اخد منهم عالاقل علبه وحدة لان الوانها تخليكي مررررة كلاس
بالتوفيق ولا تكلفي على نفسك
وتقومي بالسلامة وساعتها حينسيكي الشادو والمكياج كله

شوفي حاقولك حركة تسويها والله لو حطيتي شدو بريالين يثبت ان شاء الله وانا اخذتها من كوافيرة قبل لاتحطي الشدو انت حتكوني حطيتي الاساس والكونسيلر بعدين جيبي قلم بنفس لون الشدو اوقريب منه وحططي منه وبعدين حطي الشدو وفي اقلام رخيصة تلاقيها عند محلات التجميل اسمها لوك او عندك كمان اقلام اسمها جسيكا في منها العريض والرفيع انت جربي في واحد ولاتنسيني من الدعاء وانت بتولدي انه ربنا ييسر اموري وعطيني اللي ابغاه وطمنيني على النتيجة

الله يسهل ولادتك

انا جربت ماك وكنت اشوفه افضل شي عندي

بس لما عرفت بيل فيزاج نسيت ماك للابد

انا بقولك عالي جربته

ميك اب فور ايفر مرة نااااااااااقع اللون وفظيع وثاااااااااااابت اسعارها وسط
شدو بيل فيزاج جدا رائعه والاحلى رخيييييييييييصة الشدو الواحد بعشرة بس الثبات على حسب اللون يعني اللون قوي يظل ست ساعات تقريبا

كمان فيه شدو كريولان ابطللللللللهم كلهم جدا ممتاز ولافيه زيه ماجربته بس شفته على بنات والكوافيرة حطت لي منه
ومنشنة عليه وعن قريب بشتريه

كمان فيه ديور مرة حلو عند اختي

وموفقه قلبي

عند جد حيرتوني بس تسلمون والله