افضل شي يزيل القشرة

انا اسمع ان بعد ما تسلقين الملفوف تاخدى الماء تاعه وتحطيه على الشعر


بس كم المده وكيف والله ما ادرى ان شاء الله الاخوات يفيدوكى اكتر منى


وهلا وسهلا فيكى بالمنتدى

جربي حطي خل بغطاء العلبه نفسها على كوب ماء
وأشطفي شعرك فيها بعد الحمام هذه جربتها أم زوجي ونفعت

وعندك نيزورال ممتاز هالشامبووو للقشره

ممكن اتوضحيلي شو نوعية القشرة اللي عندج

لو كانت جافة ؟؟؟؟؟؟؟؟؟؟ أنا ما عندي أي فكرة

بس لو كانت دهنية مثل حالتي ....... فأن علاجها واايد صعب لأني ما خليت شي ما جربيته وع ها اتروح واترد ولا جني خسرت فلوس الدنيا على هالشعر

المهم لج خلاصة تجربتي

شامبو نيزورال: بعد استخدام الالعلبة الواحدة من الشامبو فادني وااايد وقلل القشرة بس مع الانقطاع طلعت لي القشرة مرة ثانية يوم جربت المرة الثانية نفع نعاي بس حصل لي نفس المرة السابقة وفي المرة الثالثة ما نفع .. بس للامانة هو اوكي كأول استعمال
وقيمته تقريبا اربعين ....... يعني يعطيكي 35 درهم

شامبو اسباني ما ادري شو اسمه ويبدا بحرف K بس ما اذكرة والله لان اسمه صعب وبعد نتيجته كانت مؤقته وما نفعني

شامبو نيتروجينا للقشرة: اوكي يخف القشرة بس ما يقضي عليها وحاليا مستمرة عليه وقيمته 45 درهم


الحنة : والله هي زينه ,,,,,,,, بس ما تناسبني اطيح شعري شوي ....... واتجففه بس ما اتقلل القشرة بشكل واضح

الليمون : والله ما استمريت عليه يمكن عصرت ليمون ثلاث مرات في شعري بس ما استفدت وايد وما كان فيني صبر فما استمريت عليه

الخل : على اني اسمع انه واايد ينفع بس مش مستعده اتحمل رييحته لانها فعلا كريهه

الروب : جربيته مرتين .......... والله منه فايدة بس مش لدرجة الشامبوهات

الخلطة: استخدمت خلطة من المنتدى واللي هي اطول الشعر (زيت نارجيل ، الثوم) بس ما نفعت معاي مثا ما نفعت مع البنات وطيحت لي شعري ...... بس يوم حطيت عليها الحلبة لاحظت ان القشرة اختفت بشكل غريب بس لازم تستمرين ولا بتطلع لج مرة ثانية لأني وقفت عنها (والله مو مني بس تعبت)

قشر الرمان: وهاذي الخلطة ما جربتها والله ........... بس سمعت ناس يمدحونه واييد ويقولون انه مغلي ماء قشر الرمان ينفع جدا مع القشرة

وهذا والله تعالى أعلم........... فلو حصلتي حل .......... اكتبيه والله يجزيج الخير لأنها فعلا معاناة كبيييييييييييرة بالنسبة لي وخاصة لأن القشرة والدهنية بالذات اتطيح الشعر ,,, ولوكان عندج شعر ينبت طيحه بعد

واتمنى انج استفدتي

_________________________________



سبحانك اللهم وبحدمك ........ اشهد أن لاآاله الا انت .. استغفرك واتوب اليك