السلام عليكم انا عني اشوف حاجه وحده ومقتنعه فيها ومؤمنه فيها طالما الرجال يحب زوجته حب صادق مو رحمه ولا شفقه بس يحبها بكل شي فيها وقتها يتقبل منها اي شي سات او احسنت ملاك في عيونه ويشوف انو هو على باطل وهي حرام مسكينه هذي وحده تركض لزوجها ركض الحمير ويا لبيه وامرني جعل يومي قبل يومك وحده دفشه معه وجافه وما يعجبها فيه شي وطول الوقت تتمسخر عليه كلهم زوجاته الاولى انا صابر عليك ومتحملك رغم انها مافيها شي تتعذرب فيه بشهادته عند اهله يقوله والثانيه يركض لها ركض الحمير ليش الاولى ماحبها والثانيه مقتنع فيها وحابها اذا هي مساله ترجع لرجال تخص مشاعره وبس مالها علاقه من احسنت له ومن اسات

والله موكل الرجال نفس التعامل..وانتبهي لاتنسخين تعامل غيرك مع زوجها لنفسك ومع زوجك لانك راح تنصدمين بردات الافعال منه وتتحطمين...

فيه ناس مايجون الا بالعين الحمرا ويصير لك مثل الطالب المطيع وهالنوع اسمع فيه ومااشوفه..

وناس مايجون الا بالدلع والغنج ويجيك زبدة سايحة آمري تدللي بس...

وبعضهم بالسياسة والذكاء والتمثيل كم دمعه من هنا وكم تنهيدة من هنا وكم زعله ونفخة بوز ويطيعك...
وبعضهم جني شاق الارض وطالع ماينفع فيه شي يبيك خدامة وطباخة وللفراش وياويلك ان طلعتي عن هالخط...
وفيه اللي نفسه على راس خشمه مسوي روحه اسد الغابة بس يبي يزأر لاي شي وهذا لازم تدارينه ولاتعاندينه...
وفيه نوع حبوووووووب يحترمك ويحبك ويعاملك مثل ماانتي تعاملينه بحنان واحترام ويبين بعينه الطيب...
لان بعضهم لو تشبين اصابع رجولك وايدينك وحتى رموشك وحواجبك تولعينهم له شمع مانفع فيه لادنى زلة رمى بكرامتك بالقاع...

يالله عاد طبي واختاري من هالانواع وشوفي رجلك اي واحد فيهم...وتعاملي معه حسب شخصيته وحسب اللي يرضي ربك اولا واخيرأ....

هههههههههه

عصير الخوخ>> اكتشفت ان انا وانتي نفس الطينة...لما كتبت ردي ورجعت له لقيتك سابقتني بنفس الكلام وضحكت على طريقة التفكير المتشابهه..

ليااان .....ووووووووووااااااااااااااااااااااووووووووووو!!!!!!!!..جبتيهم كلهم مشاء الله عليك خبره

الطيب يابنات كيف أعرف شخصية لان زوجي ماعرفت له مرة احس انه مايجي الأبالزن ومرة بالعصبية ومرة بالدموع ومرات بالدلع ياربييي مع أنه يابنات أخوة مايقول شئ لحرمتة ويوديها المكان الي تبغى ودايم وهي في السوق وحتى لما تبي تحضر مناسبة لازم تشتري لعيالها لبس جديد وتلقينه اغلب الوقت معها في المطبخ يساعدها ويسولف معها وطلباتها منفذة ويخاف عليها مع انها ماهي حلوة عادية ولا حتى جسم حلو ومخلفة له سته نفسي اعرف السر