اهلين اخيتي الفاضله

ومبروك على الزواج مقد ما ( اللهم اسعدها وكتب حياتها ناجحه ان شاء الله )

اختي والله الي قالنه الاخوات كله يزيد الشعر وخااااااااصة التشقير ويعمل لك شعر ذقن واضح محرج


اماالفتله بعد تكرر الشل يبدى وجهك وكأنه وجه رجل يعني الي يبي يسلم عليك يحس وخزه تطعن في وجهك وذاك نمو شعر جديد

بس شقري ليوم العرس فقط وبعدين خلي وجهك طبيعي ( لان الي في الوجه وبر وليس شعر )

والله يوفقك دنيا واخره

شوفي عزيزتي ، انا بعد بشرتي من النوع الحساس ، و ما استحمل الم الفتلة و غالباً ما الجأ الى التشقير بس في المناسبات اشيل مرات وجهي باستخدام الشمع ثم افرك وجهي مباشرة بملح طبعاً فرك ناعم بس لمدة دقيقة و على الوجه كله خصوصاً اماكن الشعر المشيول ثم اشطفه بالماء و استخدم بعده كريم طبي اسمه "فوسيدين" ، و تحصلينه في الصيدلية ، هالكريم ما يخلي مجال للحبوب انها تطلع.
وها الطريقة سوتها صاحبة صالون ايرانية حق اختي يوم عرسها ، و من يومها و انا اجربها و كذلك جربتها كذا وحدة من بعدي و كلهم كانو عرايس و كانت النتيجة رائعة.

على فكرة ، الكريم فيه منه لونين ازرق و احمر ، انا استخدم الازرق بس راعية الصالون كتبت حق اختي الاحمر:26:

مرحبا ريحانه

بصراحة اقولك انا من النوع اللي بشرته حساسه

وزيادة عن كذا خوافه اخاف اشقر شعر وجهي

اخاف انه ينحرق وكمان اخاف اعمل شمع او فتله

المهم رحت مره لكوافيره وقالتلي احسن شي تعملي

( مشقره ) غير التشقير وهو معروف عند اهل مكة و المدينه

الحمدلله ناسبني كثير واعمله مره كل شهر او شهرين

بما انك على وجه زواج لا تلعبين بوجهك اذا قدرتي سوي

مشقره لأنها مو مواد كميائية وتحافظ على وجهك ....

انا بوصفلكم الطريقة وانتوا اسألوا الكوفيرات عنها :

تحط على وجهك بودره ( قالت انها بودره الفخار )

بعدين معاها زي السكين صغيره مو حاده ابدا تمسك

الشعره فيها و تنتفه نتف ما تحسين بألم وخز بس

بعدين تغسلين وجهك عندها و تحطلك قناع نشا

تروحين فيه بيتك وبعد ما تغسلينه حطي اي قناع

يرطب البشره مثلا قشطة ....


جربوها و ادعولي ..

:27: مرحبا بس حبيت اسأل ام عمر و على هذا الكريم تستخدميه مباشرة بعد ماتشيلين بالشمع مثلا الحين شلتي بالشمع وغسلتي ويهج على طوووووول تحطينه والله تحطينه يوم ثاني وتحطينه متى الليل والله الصبح وفيه سؤال االاهم انا كنت اشيل بالخيط زين وماكنت اشوف يطلع لي حبوب وجربت مرة بالشمع بس مو على كامل وجهي يعني الخدين والانف وماطلع لي حبوب بس هذا الكريم اقدر استخدمه لا سمح الله شفت حبوب طلعت والله مايحتاج لين ماطلعت لي حبوب ادري مصختها معاج بس عذريني خطوبتي بعد كم شهر ان شاء الله ولازم الوحدة تحوس من الحين
:26: شكرا مرة ثانية.

مشكورين خواتي واللة يوفقكم جميعا
حبيبتي اطيب قلب المشقرة اللي تقولينها القاها عند كل الصوالين وهي تطلع حبوب؟؟؟
بعد كلامكم يابنات خفت اشيل وجهي وانا الحين محتارة اشقرة ولا لا