استغفر الله العظيم

صدقتي اختي دانه ههههه الله يصلحهم محد يقدر عليهم

الله اكبر

شوفي كتب واسمعي لدكتور مصطفى ابو سعد ولدكتوور ابراهيم الخليفي

السلام عليكم
اول شىء احب اهنى صاحبه الموضوع على اختيارها له
لانه الزمن هذا التربيه فيه جدا صعبه
مع التقنيات اللى جات

والافكار تغيرت والمجتمع تغير حتى الاطفال تغيروا
الاطفال الزمن هذا ما حد يقدر يغشهم او يضحك عليهم

اول شىء من عمر سته اشهر
او قبل
تكلمى مع طفلك خليه يشوف وجهك وتكلمى معاه كانه شخص كبير

حتى يتعود منك الاسلوب
لاتقولين صغير تراه يحس فيك حتى يتعود على لغة الحوار بينكم كبر شوى لازم تكلمينه وعينك فى عينه بالذات اذا غلط فهميه الغلط
بعد مايكبر شوى الى 3 او 4 سنوات ابداى معاه فى العقاب اذا غلط العقاب ماهو الصراخ والضرب لا
تحرميه من شىء يحبه
واذا حبيتى تكافئيه برضه بشىء يحبه
اذا طلب شىء وانت ما تبغى تعطيه لا تقولين لا وبس يقول لك ليه تقولين كذا لا غلط
فهميه ليش لا اشرحى له
اهم نقطه لا تكلميه وانت واقفه وهو بعيد عن وجهك لا حطى عينك فى عينه وكلميه

اهم شىء يبنات الحنان

شبعى اطفالك حنان ضميهم بكثرة خصوصا قبل النوم واذا صحى من النوم امدحيه دايما
لا تسوين مقارنه بين الاطفال هذا الشئ يحطمهم

لاتقولين شوف فلان احسن منك يسوى كذا وانت ما تعرف غلط شجعيه دايما

تدرون اكثر شىء يعدم شخصية الطفل
استهتارنا فيه وانه مايفهم واغلبنا ترى اذا سوا الطفل شىء غلط ياغبى انت ماتفهم انت حيوان ......ترى هذا اكبر مدمر لهم

اسمعى لطفلك اعطيه من وقتك خصوصا اذا صار يكثر اسئله جاوبيه اشرحى له حتى لو كانت محرجه
صدقونى بالحب والحنان ولغة الحوار راح تكسبين طفلك

واهم مافى الموضوع الدعاء
لاتدعين عليهم مهما تعبتى ومهما عانيتى بالعكس ادعى لهم بالهدايه والصلاح
اعرف ان اغلب البنات
خصوصا اللى عندها واحد ولا اثنين تتذمر وما تتحمل بعضهم تنقهر من الرجال تحط الحرة فى العيال غلط واكبر غلط
حاولى تكتمين مشاعر الغضب من الاب امام الاولاد

بكذا يبداون يكرهون ابوهم لان الطفل الى سن سبع سنوات يكون مرتبط بامه اكثر من ابوة
علميهم صح
اسقيهم الصفات الحسنه مهما كان المجتمع اللى حولهم اكيد راح يتشبعون بكلامك ونصايحك

يمكن يخوننى التعبير ولا اعرف اشرح
لكن من تجربتى مع ابنائى
لا تقسين عليهم ولا تدلعينهم خير الامور الوسط
الحنان التفاهم الصبر الدعاء كل هذى تساعدك فى تربيتهم

عموما

افضل تسمعون محاضرات وتقراون عن التربيه اكثر
وحطى فى بالك ان تربيتك لاولادك غير تربيه اهلك لك لان الجيل تغير والمجتمع تغير مافيه شىء اسمه لا من دون تبرير

واهم شىء الاجهزة الحديثه لا تتركونها فى ايديهم من دون محاسبه ومراقبه كل شىء بوقته

عموما
استودعوا اولادكم الله حنا فى زمن كثرت فيه الفتن ربوهم على الدين ومخافة الله فى كل شىء

واهم شىء واكرر البنت ربيها على الستر لانك مسؤله امام الله عودى بنتك على الحياء من صغرها لا تقولين صغيرة
لا علميها انه اذا انكشف شىء من جسدها عيب ستروا بناتكم خافوا الله فيهم
والله ان كل بنت على ما تعودت عليه من صغر سنها تكفون ارحموهم وارحموا انفسكم