كل عام وانتم بخير ..وينعاد عليكم بصحه وسلامه
جح مبرور وسعي مشكور ..للي حجوا ..
اليوم جايبه لكم ..طريقه مضمونه ..تحفظ لك النعناع طازه ..
اول شي تقطفين الورق فقط ..وتنقعينه بقدر كبير شوي مليان مويه
بهذه الطريقه ::
نتركه من 5 الى عشر دقايق ..
نشيل النعناع باليد شوي شوي ..عشان مايتحرك التراب الي بقاع القدر..
((انتبهوا لاتكبونه بالمصفايه لانه التراب باخر القدر واذا كبيتوا النعناع بمويته بالمصفايه بينزل التراب على النعناع ..وبكذا ما استفدنا شي ))
المهم نشيله باليد زي ماذكرت
بهذه الطريقه
نحطه بزبديه ثانيه
نكب المويه الي بلقدر الاول ونغسله ونرجع النعناع له مره ثانيه ونعبيه مويه ..خمس الى 10 دقايق
بعدين نشيله باليد زي ماشفتوا قبل شوي بالصوره الثانيه <<يعني ننقعه مرتين فقط
ونحطه بالصفايه ..
نتركه الى ان تنزل المويه كلها تقريبا ..انا كنت مستعجله ...خليته 10 دقايق ..
بعدين نشريه على صينيه فيها مناديل
بعد ماحسيته نشف من المويه ..حطيته بحافظه بلاستك..
بعدين نسكرها وعلى الفريزر ..
اذا تبين تسوين منه ..تفتحين العلبه وهي بالفريزر وتطلعين منه قد ماتبين وتسكرين العلبه ..عشان مايذوب ويعفن
وسلامتكم