اللي اعرفة ان الرطب لازم له فريز صغير خاص ولازم ما تفتح الثلاجة كثير علشان ما يخرب التمر ويحفظ في علب خاصة بلاستيك وبعض الناس تحطه بالثلاجة بدون تغليف بكرتونه ويبقى التمر مثل ما هو ةما تغير

عشان تطلعين بنتيجه مرضيه لازم تتبعين تجاربنا
افضل انواع التفريز هو الخلاص وبعده البرحي بس مايكون رطب يكون اصفر
يكون بفريزمخصص للتمور ومايفتح الا نادرا ويكون بمكان بارد ومهوىونوعية الفريزركمان لها دور كبير اتوقع افضل شركه وير لبول
ومايغسل قبل التفريز
طبعا انا استخدم كراتين مو بلاستيك وقبل التمر احط منديل روله لان المنديل العادي يلتصق بالتمرومايمسك الثلج كثير
وعشان يكون اللون والطعم افضل يقدم بارد وانتبهيتطلعين كثيرلانه يتغير طلعي مقاس الاكل بس
مع تمنياتي لك برطب افضل

شوفي حبيبتي اول شي خليه يجيب رطب تخزين لانه انواع بعدين كبي الرطب بصحن كبير حق الذبايح ثمن نقي الرطب اللي تشوفين قشرته سميكه وناشفه هذا اعزليه لحاله واللي رطبه بلحيل تقل به سيوله شوي هذي كولوها على طول اوحطيها بالثلاجه للقدوع اليومي مش للتفريز يبقى عندك رطب التفريز اللي لاهو ناشف بلحيل ولا رطب بلحيل هذا حطيه بالعلب البلاستك واحكمي اغلاقه ثم سكريه بالتيب اللاصق عشان تضمنين انه اذا فتحت الفريزر مايدخله هواء نرجع للرطب اللي نقيتي الناشف هذا حطيه بمشخل وخلي جمبك قدر اكبر من المشخل مليان ما ء فاتر فيه شوية ملح ثم غطسي فيه التمر اللي بالمشخل لمدة ثايه بس يعني على طول غطسيه ثم طلعيه هذا الله يسلمك عبيه باكياس شفافه سميكه ثم صبي عليه ملي بيالة من الدبس وهذا يباع عند تجار التمر بعدين فرغي الكيس من الهواء وربطيه زين بقطعة قماش ثم حطيه بالشمس لمدة يوم بعدين خزنيه بالمخزن ولاتستعملينه الا بعد اسبوعين هذا اسمه الضميد ويكثر استخدامه بشتاء بس انتبهي لايكون معه تمره رطبه بالحيل تراها تخلي التمر كله يخمج ويفسد واحسن تمر عندي السكري

حنا نحط الرطب في العلب البلاستك الصغيره تعرفينها ونفرش منديل بعدين رطب بعدين منديل وهكذا والرطب جنان

اذا كنتوا عايله صغيره حطيه دايركت في علب الفول البلاستيكيه

شفت اختي تسوي كذا وكان طعمها رائع جدا