بصيرة
بصيرة
بصرااااحة ما أدري
أخوي خـــاطب وراح يتزوج قريب إن شــاء الله
وزوجته بنت عمي
ومرررة فرحـــانين عشانهم
حــــاسة إنهها أختي وبتتزوج وأبغى ليلة عمرهـــا أحلى ليلة
وأبغى أخوي يكون سعيد معاها ومـــايشوف غيرهـــا ويحطهـــا في عيونه
بس مو عارفة كيف أتـــعامل معاها؟؟
أنا أبغاها بنت عم وأخت كمان
ترى هذا أول أخ يتزوج
إلي مرة أخوها تصير قريبتهم وبالذات بنت العم كيف كان التعامل معاها
كثييير قالوا لي خليك رسمية بس كيف أصير رسمية ياناس؟؟
وبصراااااحة ما أبغى أكون رسمية معاهم
لأني ماراح أشوفهم إلا مرة أو مرتين في السنه لأني ساكنة بعيد عنهم...
تحفة
تحفة
بالنسبة لي أحسن الظن في الجميع .. أعاملهم مثل ما أحبهم يعاملوني .. وأحب لهم الخير مثل ما أحبه لنفسي ..

واذا انقرصت من أحدهم أو لاحظت انه ما يستحق معاملتي معه بهالشكل .. أغير اسلوبي معه على حسب شخصيته ..
يعني موب كل الناس تنفع معهم التطنيش ولا كل الناس ينفع لهم المواجهة ..



كل المشاكل اللي تصير بين الحريم سببها الغييييرة .. وعدم القناعة ..
هذي مشكلتنا .. لو كل حرمة وثقت بنفسها ..
وما تعدت غيرتها الحد الطبيعي ولا تطلعت للي في يد غيرها ولا سببت مشاكل لنفسها أو لغيرها .
&القارئة&
&القارئة&
:06:
رؤى الكحيل
رؤى الكحيل
اعامل الناس سواسية وإذا هي بتشوف نفسها بيكون على نفسها مالي دخل فيها كلهم سواااااااااااااااااااااااسية
والله يسعد الجميع
قـبـس
قـبـس
:06:
:06:
عزيزتي نصيحة لوجه الله .. اذا اخوك يقدر ياخذ شقة خليه ياخذ ويسكنها لحالها عشان اول شيء المشاكل اللي بتصير باحتكاكها معكم وممكن تكون من النوع اللي ينقل كل شيء في بيت اهل زوجها لأهلها فتطلع مشاكلكم للناس ... ثاني شيء ماتصير اتكالية وترمي مسؤولياتها وعيالها عليكم ...

واما طريقة المعاملة ... فعامليها زي ماتحبي اخت زوجك تعاملك ... وخليك بالوسط دائما في تعاملك مع الناس ... لاتصيري معاها مرررره عشان بعضهن مايقدرن هلشيء ويقعدن يشوفن حالهن عليك وبتقول في نفسها وش هللزقة اللي نشبت لي .. ولا تجافينها مرررة عشان ماتقول هاذي شايفة حالها علي ... فخليكي معتدلة بعلاقتك معها ...


واما ام الزوج ... ماراح اقول تعاملها زي بنتها ليه ؟؟ لان الام مافي بينها وبين بنتها كرامة او حساسية يعني تلقين الام دائما تنتقد البنت وتعدل فيها او تعدل بلبسها او تنتقدها على طريقة كلامها الخ من حبها لها وبنتها لايمكن تاخذ هلموضوع بحساسية لكن لو عاملت حرمة ولدها بنفس الطريقة فالبنت بيركبها مليون عفريت انوو حماتها تتعمد أذيتها وتنتقدها للتنكيد عليها يعني حرمة الولد دائما تتحسس من كلام ام رجلها او اهل رجلها بشكل عام فلازم الحرص على اي كلمة تقوليها امامها... والأفضل تخلي بينها وبين حرمة ولدها مسافة ولا تتدخل أبداااااا أبدااااااااا لا في شكلها ولا في لبسها ولا في طبخها ولا أي شيء حتى لو سافت عليها شيء غلط تتجاهله لاتتدخل ابدا في خصوصياتها لامن قريب ولا من بعيد مهما حاولت البنت تدخلها .. يعني مثلا عندك وحدة من معارفنا رايحة تشكي زوجها لام رجلها تقول لها ولدك عمل كيت وكيت يرضيك يا عمة ؟؟ قالت لها الام شوفي انتي بنتي وعلى عيني وراسي لكن مشاكلك انتي وزوجك بينكم انا ماتدخل بينكم حلوها بينكم انا معودة بناتي على كذا وانتي تشوفيهم ولا وحدة تتجرأ تشكيلي وتدخلني بمشاكلها مع رجلها وانتي كذلك أحب منك هلشيء ... فسكتت البنت واستحت ولاعاد تدخلها في مشاكلها مع رجلها ... وسلامتك ... أهم شيء انه العلاقة يكون فيها نوع من الرسمية .. في زمنا هذا الواحد ماعاد يتحمل الثاني وكل شيء يفسرونة على سوء ظن فالأفضل العلاقة الرسمية ...