افضل عجينة فطاير 🥖🥐

طريقتي للفطاير ⇩


ملعقتين خميره
ملعقة سكر
رشة ملح
نص كوب حليب بودره
ملعقتين خميره
نص كاس زيت
كاستين دقيق
كاستين مويه دافيه ( مايله للحراره)

تخلط ثم تترك عشر دقايق الين تخمر

اذا خمرت
اضيف ثلاث كاسات دقيق
واعجنها
واتركها ترتاح ربع ساعه


وعليكم بالعافيه ❤️

انا لاني احتاج كميات كبيرة من العجين ف استخدم كيس كامل و أعجن به و بعطيك الطريقة و ابي منك دعوة و ربي العجينة رهييييبة و ماهي من اللي تتلزق ب يدك او تنكمش وقت الفرد و الأحلى من كذا قطنيييييةةةة وقت الاكل لكن اهم شيء طبقي ب الحرف الواحددد
طبعاً العجينة ذي تنفع للسينابون و الفطائر المفتوحة و المغلقة و الخلية و اذا بتستدمينها للبيتزا افرديها خليها نحيفة ثم حطيها ب الصينية> ب المختصر هي حقة كل شيء
كيس دقيق كويتي كامل
١٨ملعقة كبيرة حليب مجفف اَي نوع (انا استخدم نيدو)
٤ ملاعق كبار خميرة فورية
٤ ملاعق كبار سكر
ملعقة كبيرة بيكنج باودر
ملعقة صغيرة ملح
اخلطيهم مع بعض لبينما يختلطون
الطريقة***
اذا جهاز عجانة تمام و اذا ب يدك ف سوي اللي بقول لك عليه
⛔️⛔️⛔️اللحين البسي قلفز (خطوة ضرورية عشان الزيت جداااااً ضرورية )
اللحين استخدمي بيالة الشاي عبيها اربع مرات زيت و اعجني لبينمااااا يتجانس الزيت مع الخليط السابق (ضروري يتجانس ضروري ) و اعجني اقل شيء ٣ دقايق
و الموية على حسب رغبتك صبي الموية شوي شوي و اعجني لبينما توصلين للقوام المطلوب اللي تبينه (لكن الموية ضروووري دافية تكون) و زي ما قلت صبي لبينما توصلي للقوام اللي تبينه لكن عاد لا تخلينها مايلة لليونة
خليها تكون متوسط مايلة للقساوة (لا تخافين مردها بعد الطهي تكون لينه و هشة بسبب الخميرة)
بعدها اعجني لمدة ربع ساعة و يُفضل انك تمسكينها و تلتينها يعني ترفعينها ل فوق و ترمينها ل تحت >يعني كأنك معصبة منها و رميتيها من يدك >يا رب فهمتيني😹💔
اللحين قسمي العجينة الى ١٠ كوَر و غطيها كلها ب سفرة او نايلون التغليف بس افضل شيء السفرة و خليها ترتاح و تتخمر ب راحتها مدة ٤٥د
و بعدها ارجعي إعجنيها مع بعض و خلاص اذا انو ودك تستخدمينها ب نفس الوقت او ودك تفرزنينها ب راحتك
ترا انا وقت التلتيت احطها في طشت كبييير مرة و اجلس ب الارض عشان ارفعها و أرميها على راحتي >ذي خطوة مهمة و رائعة نتيجتها تجنن بعد الطهي
ذي طريقتي و بتعجبك و كثير يسألوني عنها و ينفع تفرزنينها شهرين لمن اهم شيء وزعيها ب اكياس حطي ب كل كيس القدر اللي تحتاجينه لأنو غلط تنزلين العجينة كاملة و تذوبينها ثم ترجعين تفرزنينها
على فكرة ، عجينتك ايًّا كانت طريقتها او كميتها ضروري انك بعد ما تطهينها سواءاً خلية او فطائر او بيتزا او لقيمات او سينابون بعد م تطلعينها من الفرن غطيها ب السلوفان اقل شيء نص ساعة
تكفين ادعي لي💕

هذا عجينه عجبتني اسمه ربع ساعه


البدايه العجينه مقاديرها قسمين
أ(( 2 كاس دقيق كويتي او الحميضي +2 كاس ماء دافي +نصف ملعقة ملح صغيره +فنجان سكر غير مطحون +1ونصف ملعقة خميره +1 ملعقه صغيره بكنج بودر +3 ملاعق حليب بودره ))
ب
((2ونص كاس دقيق +نصف كاس زيت ))

الطريقه : نخلط مقادير أ في الخلاط الكاس لنحصل على خليط ابيض يصب في وعاء كبير ويغطي لمدة ربع ساعه حتى يتضاعف حجمها بعد انتهى الربع ساعه نخلط مقادير ب فوق الخليط ونعجن جيدا ونبدا بلت العجين وهه اهم خطواة للحصول على فطاير طريه
تدهن اليد بملعقة زيت ثم ترفع العجينه وتضرب بقوه على طاوله نظيفه وتكررالعمليه 2 او3 مرات حتى تبدا العجينه بالتمطط
ثم تترك تخمر من جديد لمدة ساعه

هذي عجينتي المعتمده جربيها صدقيني راح تضبط معك

مو واااضحه!😯