**افضل عنايه لليدين والارجل بدون الحاجه للمشاغل**....

ياحبايبي هذي طريقتي من سنين والله يشهد ما استخدم غيرها ويديني ورجولي مثل البيبي ناعمه وبيضاء

اول شي كل الاشياء اسعارها رخيصه ومتوفره في كل الصيدليات وتاخذ عندك فتره طويله

نجي للطريقه:

1- اغسل الارجل بالماء ثم اخلط



سكر

و

رغوة سيباميد وقيمته حدود 27 ريال



وافرك رجولي 3 دقايق تقريباً وكل وحده تاخذ الوقت اللي تبي بالفرك
ثم اغسلها بالماء

واخذ المبرد وابرد الرجل من تحت بكل مكان حتى بالاصابع من تحت
وهذي صورة المبرد وهو من بدي شوب قيمته 10 ريال




ثم اغسلها بالماء شطف اخير

وانشفها بالمنشفه الخاصه بالرجل (انا مخصصتها لرجولي)




ثم اخذ هذا الكريم من شركة نيتروجينا بصراحه ماحصلت احسن منه كريم واحلى مافيه ان يخلي رجلك رطبه طول الوقت وقيمته بحدود 20 ريال ماني متاكده وموجود بكل الصيدليات




ثم البس هذا الشراب الله يكرمكم وتحصلونه بكل محلات الجوارب اشكال والوان والحلو فيه ماتحسين بالحراره وانتي لابسته وقيمته 5 ريال ومنه دانتيل وشيفون وانا اخذت منه الوان على كل بجامه عندي وبصراحه ما استغني عنه




خلصنا من الارجل

اليدين نفس الطريقه بس لها كريم خاص فيه وحجمه صغير تقدرين تحطينه بالشنطه وين ماتروحين وقيمته تقريباً 20 ريال ومن نفس شركة نيتروجينا وهذي صورته




والله يشهد ما استخدم خرابيط ثانيه من حياتي على الطريقه هذي ولله الحمد الكل يظن اني اسوي تنظيف عند المشاغل

اتمنى اني افدتكم ولو بشي قليل

ولاتنسوني من دعائكم والدعاء لوالدي بالشفاء

واي سؤال انا حاضره

.