اذا كنتي مره مره ماتعرفين شي بالانجليزي وتبين من الصفر
يعني يعلمك الحروف والارقام والايام والشهور ثم يبدأ بالكلمات وتطبيق بعض القواعد في جمل
ارشح لك قناة تعلم مع مراد ، اكتبي باليوتيوب اسم قناته او اكتبي تعلم الانجليزيه في 40 يوم وبتطلع لك دروسه
ابدأي معه المستوى الاول واذا شفتي نفسك تمام تقدرين تغيرين وتكملين مع زا امريكان انجلش او تدخلين موقع دولينجوو عشان تثبتين اللي درستيه وتكملين فيه الباقي
وعلى فكرة زا امريكان انجلش له طريقة معينه في الدراسه مسوي قوائم بقناته مثلاً المستوى الاول مسوي قائمه للقواعد وقائمه لتعلم من الصفر وقائمه كورس محادثه وقراءة وقائمة كورس تقوية الاستماع وقائمة كورس كتابة التعبير وقائمة تعليم نطق الحروف
وفي وصف الفيديوهات مكتوب طريقة الدراسه يعني تاخذين من كل قائمة درس واحد لكن بعد ما تاخذين درسين او ثلاثه من كورس تعلم اللغه من الصفر
وفي قنوات كثير باليوتيوب لتعليم الانجليزيه حتى للاطفال ابحثي وتعلمي معاهم حتى لو بس المستوى الاول ثم مثل ماقلت شوفي لك أي تطبيق او موقع او حتى اي معلمه تمشين معاها لان احس لازم يكون عندك اساسيات الانجليزي عشان ما يضيع وقتك