السلام عليكم
ورجعت بموضوع جديد زي م مبين من الموضوع راح اكتب عن افضل المثبتات اللي انا استخدمتهم
بس بقول شي >>>> يعني لازم دائما اهرج كثير:a_smil17: على العموم ياجماعة انا عندي زهايمر هههه مو قادرة افتكر شئ او اطلع موضوع جديد مخي مقفل حتا اني دخلت ملفي عشان اعرف انا ايش كتبت الله يعين بس يعني ياريت تشاركوني في الافكار عشان ما اكتب موضوع مكرر او شئ بايخ ( اذا هذا الشئ مو مخالف للمنتدى:tongue:) وثاني شئ باركولي فتحت صفحة جماليه في الانستقرام لي يومين :icon31:دحين جالسة اتكلم عن الجمال والاهتمام والمكياج وكذا وبعض الصور من تصويري وعلى طاري التصوير انا نفسي اكتب موضوع في المنتدى ويكون بتصويري مو من العم قوقل زي اذا فاكرين موضوعي الاول هنا بس عندي مشكلة في تنزيل الصور بعد م اصور في جوالي وانسخ في اللاب واجي للمنتدى واحطي الصور واسوي رفع زي العادة الصور ما ترفع اللي عندها معلومة كيف انزل صوري ياريت تقولي >>> خلصت هرج وتشكي راح اخرس:icon8:
المهم ارجع لمثبت المكياج طبعا انا ما استغنى عنه بعد ما اخلص من المكياج احطي كم بخة في وجهي وافلها
يلا نبدا بسم الله
1- مثبت من كلارنس
هذا المثبت رائع وخاصة في النهار او العصرية اللي اقصدة يعني في الحر والسخونة هذا المثبت كويس اشتريته من صيدلية النهدي بس لما خلص ورحت ما حصلته للاسف
2- مثيت ماك
هذا المثبت رائع وخاصة اذا كنت رايحة زواج او مناسبة وعارفة ان الكل راح يبوسك ويسلم عليك هذا المثبت جميل وما تخافي ان البلاشر يتلطخ من كثر البوس والسلام ههههه
وعلى فكرة هذا المثبت ينفع اذا كان عندك شدو او ظلال ماك اللي يجي في علبه مستطيلة ويشبة اللماع او الكلين ما عرف اشرح بس
هذا شكلة
طبعا هذا الشدو او الظلال اذا تبغية يثبت في عيونك او حتى في فرشه الشدو ما عليك الا انك تبخي كم بخة من مثبت ماك على الفرشة وبعدين حطي الفرشة على الشدو وارسمي عينك عادي هذا الطريقة راح تخليه يثبت وما ينزل على العيون
3- مثبت ميك اب فور ايفر ( make up for ever)
كمان رائع و يجلس مدة طويلة
4- هذا المثبت م اعرف اش اسم شركته بس اعرف اسمة هو فيكس مي اب
كمان رائع ويثبت من قلب ههههه يعني تأكدي ان مكياجك مزبوط قبل ما تبخي المثبت عشان ما في اعادة إلا انك تغسلي وجهك
5- مثبت skindinavia ما عرف اكتبه بالعربي هههه
هذا المثبت رائع رائع رائع لحد الان مواصله عليه وفي اللي بعدة راح اكتب عنه بعد هذا مثبت امريكي اشتريته من تاجرة انا عندي الاثنين واحد مثبت للعرايس يجلس مدة طويلة والثاني مثبت للبشرة الدهنية عشان بشرتي دهنية
6- مثبت skindinavia نفس الشركة واخر اصدار طلعته الشركة والكل ميت عليه
زي ماقلت نفس الشركة هذا بعد مواصلة عليه هذا هو رائع ويثبت من قلب طبعا هو 3 انواع انا عندي مثبت العرايس يجلس 16 ساعة
في نوعين ثانيين انا استخدمهم بس مو شركة مشهورة عشان كذا كنت ابغى اصور من عندي بس الصور م تبغى تنزل بس راح اكتب اسنائهم
اول واحد اسمة : miss beauty مثبت طبيعي ما فيه اي اضافات
الثاني اسمة :beauty queen
طبعا الاثنين هذول سعرهم مو غالي الواحد اظن ب 15 ريال وثبيتهم كويس مثل اللي فوق واستخدمهم للمناسبات الغير مهمة او العادية يعني ياريت لو اقدر انزل الصور بس كل ما احط رفع الصور ما تجي وكل هالمثبتات عندي ما غير اول واحد وشكلهم في الحقيقة اكبر عشان كذا كنت ابغى اسوي الموضوع من تصويري
المهم طبعا انا احطهم فين ؟؟؟ مشترية منظم عطور وحاطة هالمثبتات في المنظم في التسريحة جمب عطوري
وبس اي معلومات زيادة او سؤوال حطوه في الردود عشان الكل يستفيد
:26:اختكم في الله:26:
ياريت المشرفات يثبتوه عن جد مفييييد وبإذن الله ناويه اشتري مثبت ...بس حبيت اسألك انا اشتريت شدو من نيكس بس للاسف مايطلع اللون معي ابدددد ليه!!!لو حطيت فيكس او مثبت ممكن يطلع معي اللون لانها روعه الصراحه الالوان حسافه