افضل منتجات استخدمتها من (لاش) فادتني وان شاءالله تفيدكم

السلام عليكم
وجيت بموضوع جديد بس عن الخلطات والله عصرت مخي وكل الخلطات الي استخدمتها كتبتها هنا
بس الي راح اكتب عنه طبيعي 100% وهي منتجات لاش محلات لاش موجودة من مده في الرياض و جدة و بعض مدن المملكة وانا كنت اشتري من الرياض و جدة عشان دائما انزل اجازة هناك و المحل فتح عندنا في المدينة من شهر الحمدلله يعني اظن راح استمر عليه من غير قلق
المحل منتجات لاش معروفة انها طبيعية من غير كيماويات او مواد تضر البشرة و الشعر يب له منتجات للشعر مرة كويسة و مفيدة راح اكتب عنها في قسم الشعر
وانا كتبت عن بعض منتجات لاش في صفحتي في الانستقرام وبعضها اول مره راح اكتب عنها هنا وان شاء الله في اي وقت انزلها في صفحتي المهم عشان الموضوع ما يكون طويل خليني ابدأ رغم اني امس المفروض انزل الموضوع بس في نص كتابتي فجأة اللاب قفل وحلفت اني م اعيد الكتابة الا لما اهدأ المهم خليني ابدأ كل منتج راح احط صورته و تحته راح اكتب عنه
يلا بسم الله
1-lush brazened honey

هذا ماسك للوجه طبيعي مكوناته كثيرة منها الزنجبيل و البقدونس و الليمون والعسل واشاء ثانية مفيدة للبشرة يعتبر منعم و مبيض للبشرة
من اول استخدام حسيت بنعومة والنظافة في وجهي ومع الاستمرار في الاستخدام حسيت وجهي صار ناعم بطريقة مو طبيعية و مفتح و مورد ومع الاستمرار النتائج راح تبين افضل ولحد الان مواصلة عليه واعتبره من افضل الماسكات الي استخدمتها ينفع لجميع انواع البشرة غير الحساسة ما ينفع معها عشان فيه مواد قوية زي الزنجبيل و الليمون و مواد ثانية
2-lush mask of magnaminty

هذا ماسك رائع كمان بس مختلف عن الي قبله هو ماسك و مقشر للوجه طبيعي
هو لعلاج حب الشباب و العيوب و كمان قناع للتقشير العميق جدا و كويس لازاله الرؤوس السودة و آمن للبشرة الحساسة , هو ماسك مو يومي عشان هو للتقسير و التنظيف العميق يعني استخدمية 3 مرات في الاسبوع هو مكوناته الاساسية من الطين الصيني و النعناع الطازج عشان كذا راح تحسي بوخز خفيف في البداية بس لا تخافي الوخز دا بسبب النعناع بس راح يروح بسرعة و فجأة راح تحسي بأنتعاش زي لما تاكلي حلاوه نعناع ههههه ( اتمنى المعلومة وصلت من غير م تخوفكم) وافضل شي في الماسك دا يعتبر الوحيد من ماسكات لاش الي مو لازم تحطيه في الثلاجة عشان مكوناته مو من النوع الي تخرب و فيه زيوت فعاله و هي الي تنظف الوجه بشكل عميق بدل المكونات الي تخرب , وزي ما قلت انه مناسب لجميع انواع البشرة حتى الحساسة بس مكتوب اذا عندك حساسية من النعناع ما تستخدمي هذا الماسك
3-lush tea tree toner water

هذا تونير من مياه شجرة الشاي ينفع للبشرة المختلطة و الدهنية زي انا بشرتي دهنية هو للحفاظ على بشرة الوجه و العيوب و توحيد اللون هو خفيف و منعش و يقلل من الحمرار و يزل الزيوت الزايدة من غير م يجفف البشرة و مكتوب ورى في العلبه بعد الترجمة هههه انه مهدئ للبشرة الغير صحية و البشرة الدهنية ومن مكوناته الاساسية غير موية شجرة الشاي مضاف فيه التوت البري و العرعر و الجريب فروت ومع زيوت طبيعية انا لما استخدمته حسيت انه قلل الزيوت و اللمعة و صارت بشرتي فريش وكل شي انكتب فيه صحيح بالنسبه لي , تقدري تستخدمية طول اليوم او في اي وقت اهم شي لما تبخيه في وجهك اهم شي يكون نظيف
4-lush enchanted eye cream

هذا الكريم للانتفاخ تحت العين وفي ناس تسميها الاكياس الي تحت العين و كمان للعيون الي تكون تعبانة هذا الكريم مره كويس
انا احطة قبل ما انام و لما اصحي احس ان الانتفاخ مو كثير وفي كم دقيقة و الانتفاخ يختفي يعني هو كريم ليلي او اي وقت تبي تنامي فيها
4- lush dream cream

هذا الكريم في البداية كنت شاكة فيه عشان كذا اشتريت حجم صغير بس لما استخدمته عجبني مره الي خلاني اشك فيه الي مكتوب فيه وهي ( لعلاج الطفح الجلدي و الحروق) طبعا مكتوب انه يوحد اللون و يزيل البقع زي الي في الظهر و يرطب بس انا الي خوفني انه للطفح الجلدي و الحروق بس لما استخدمت الكريم مره عجبني عشان انه وحد اللون ويرطب مرة و غير لزج ويخلي الجسم ناعم عشان كذا اشتريت حجم اكبر
من مكوناته زي ما مكتوب : مزيج مهدئ من حليب الشوفان والخزامى والبابونج لى علاج التهيج، ومنع من احمرار، وازالة البقع و زيت الزيتون وزبدة الكاكاو هي مناسبةوفعالة للبشرة الجافة أو مشقوق و على فكرة انا بشره و جهي دهنية و جسمي شبه جافة هذا سبب شرائي للكريم و نفع معايا و هو كريم للجسم كامل
وفي ناس تستخدمو كغسول للجسم بس انا استخدمة كا كريم
5-Lush flying fox honey gel

هذا شاور جل من لاش ريحته روعة هو يعتبر من مهدئات الجسم انا دائمة استخدمة قبل النوم احس جسمي صار ريلاكس مكوناته الاساسية العسل و الياسمين زي ما قلت مره مهدئ و ريحته جميلة وينعم الجسم و ريحته فواحة وبس يعني اهم شي فيه انه مهدئ للجسم و فواح
.
.
.
وكذا خلصت في ماسك لسه قيد التجربه مكتوب انه مناسب لفصل الصيف بس ما راح اكتب عنه لحد ما اشوف نتائجة
طيب كيف تستخدمي هذى الماسكات كلها نفس الطريقة و تكون مكتوبة في العلبه من ورى
ومعليش اذا الموضوع طويل بس حبيت اني اكتب عن كل منتج مع شرح بسيط عشان تعرفي عنه اكثر
طبعا مو كل الي يناسبني يناسب غيري بس حبيت افيدكم عشان منتجات لاش كثيرة و يمكن تحوسي في المحل رغم الي في المحل راح يساعدك
طبعا مع كل المنتجات الي كتبتها لازم ترطبي بشرتك بعد الانتهاء منها و ماسكات لاش بعد ما تفتحيها لازم تدخل الثلاجة او راح تخرب غير الثاني الي كتبت عنه عادي يكون برة الثلاجة
منتجات الشعر راح اكتب عنها قريب في قسم الشعر
مع السلامة
:26: اختكم في الله:26: