افضل واسرع فيشال (تنظيف بشره)/قديم

السلام عليكم كيفكم بنات

حبيت انزل لكم تنظيف بشره جدا رائع وجدا بسيط ويعطي نتيجه واضحه مباشرة


الطريقه هي 1_تنظفي بشرتك باي منظف اوصابون

2_تاخذي قدر وتحطي فيه ماء ونعناع وتحطيه على النار لما يغلي تخففي النار يصير عندك بخار متوسط وطبعا اللي عندها جهاز البخار تستعمله بنفس الطريقه.

3_تعرضي وجهك للبخار وتغطي راسك بمنشفه لمدة 3 دقايق .

4_تكوني مجهزه مسبقا صحن صغير حاطه فيه زيت زيتون و ربع ليمونه,بعد ما تنتهي ال3دقايق وانتي تحت المنشفه تاخذي الليمونه المغمسه في الزيت وتفركي فيها وجهك وانتي ماتزالين تحت البخار لمدة 2 دقيقه .

5_الان تاخذي سكر وتقشري فيه وجهك بحركه دائريه وتغسلي وجهك بماء بارد ثم تمسحيه بماء ورد .


ونعييييييييييييييما .

الطريقه سريعه جدا وماتاخذ غير يمكن 3دقايق تجهزي الاغراض و 5 دقايق البخار .

وعلى فكره اللي فيها زيوان اوحبوب دهنيه تقدر تشيلها قبل الخطوه الاخيره اللي هي الماء البارد وماء الورد , تلف اصبعها بمنديل وتضغط على اماكن الزيوان بهدوء لحد ماتتخلص من كل الدهون و بعدين تمسح بمسحه طبيه وبعدين الخطوه الاخيره الماء البارد وماء الورد.


هذي الطريقه لي اكثر من10 سنوات اطبقها ولما اكون نشيطه اطبقها كل اسبوع مره وتصير بشرتي من جد نظيفه ونضره وزي ما لاحظتوا ما فيها قسوه على البشره حتى البخار مدته بسيطه .

اللي تعجبها الطريقه لاتبخل علي بدعوه حلوه .