افضل وانجح برنامج عناية سويته لنفسي(عناية خارجية وداخليه)والنتايج ماشاء الله+بالصور

,,,,,
نجي للوجه
اذا صحيت من النوم ورحت للمغسله اغسل وجهي
اغسله بهذا المقشر رووووووووعه
وهذي صورته

وبعدها اغلسه بهذا الغسول مره منعش ونتيجته حلوه
وخلال اليوم اي وقت بغسل وجهي اغسله بهذا الغسول
وهذي صورته

او بصابونة الوزير ما استخدم اي صابونه ثانية وهذي صورتها

وبالنهار يوم احط بالقطن على وجهي مسحه من هذا التونر من بوندس مره حححلو
وهذي صورته

ويوم احط بالقطن على وجهي مسحه من سائل مزيل الرؤوس السوداء ونتيجته معروفه من اول يوم تكون واضحه
وهذي صورته

واي وقت اكون حاطه ميك اب وابي امسحه
هذا مزيل الميك اب المعتمد عندي ينظف ويررررطب البشرة ويعطيها حيويه من غارنيير حليب مزيل للمكياج
وهذي صورته


يتبع

واذا جيت انام اغسل وجهي بهذا المقشر من ديب كلين كلمة روووعه قليله فيه ما استغني عنه وهذي صورته

وبعدها اغسل وجهي بغسول توتال افكتس المضاد لعلامات تقدم سن البشرة من اولاي وهذي صورته مررررررره روووعه مرطب درجه اولى

وقبل النوم يوم احط هذا الكريم مرررره مررره ممتاز يصفي البشرة وينعمها من بوندس وهذي صورته احطه لوجهي وعيوني عااادي

ويوم احط هذا السيروم قبل النوم من بوندس افضل سيروم جربته يرمم البشرة ماشاء الله ترميم ويعطيها صفاوة ونضارة ولمعه حلوه بس احطه لوجهي اما عيوني لا وهذي صورته

ومع السيروم احط كريم منطقة العيون من اولاي افضل كريم لمحيط العينين جربته على الاطلاق من اول مره تبان النتيجه وهذي صورته

وقبل النوم احط بفرشة الروج من هذي الخلطة للشفايف جنااااااااااااااان والله
عبارة عن مقادير متساويه من الفازلين والجيلوسيد وماء الورد وزيت اللوز الحلو وملعقة من دم الغزال وهذي صورة الخلطه

والله من اول يوم كانت النتايج روووووعه يعطي نعومه للشفايف ولون وررررردي ولمعه
وعموما انا في شي استخدمه من يوم كنت بالثانوي ولليوم ماقدرت استغني عنه
مرطب الشفايف من لابيللو بالكرز والله احلى اختراع للشفايف انا احطه بشكل جنوووني يعني اذا صحيت الصباح حطيته واذا توضيت رجعت حطيته واذا اكلت حطيته ما احب شفايفي تكون بدونه
والنتيجه اني اذا طلعت وانا بدون ميك اب والله الغالبية ماشاء الله يسالوني حاطه روج ولالا ؟
والسر لابيللو وهذي صورته

وفي ماساكات استخدمها لوجهي ومعتمدتها ومستحيل اغيرها وطبعا اسويها مرتين او ثلاث مرات بالاسبوع
الماسك الاول
ملعقة حليب سايل وملعقة عسل وملعقة خميرة فورية وملعقة نشا وشوي ماء ورد واحطهم على وجهي من ساعة الى ساعة ونص واغسله
الماسك الثاني
قشطة وباكنج بودر وماء ورد
الماسك الثالث لمنطقة العينين
عسل وخميرة فورية
وهذي الطريقة اسويها مره بالاسبوع اخذتها من هالرابط ومن كثير ما النتيجه ابهرتني اعطيت بوسه للمرايه والله هههههه
http://forum.hawaaworld.com/showthread.php?t=2795397

يتبع

,,,,,,,
نجي للجسم
وبالنسبة لجسمي يوميا اذا اخذت شاور وطلعت احط كريم الجلسرين الاحمر لكامل جسمي ادهنه فيه
وبعدين احط مسحه من خمرية استخدمها للجسم
ودائما قبل ما اشيل الشعر بـ بشرايح الشمع من فيت استخدم مقشر لجسمي وهذي صورته

وبعدها انشف جسمي واستخدم الشرايح الشمعيه والله تطلع نتايج غير عن اللي تستخدمها كذا وبس
جربوا وشوفوا بنفسكم
واذا دخلت اخذ شاور استخدم اول شي الشاور جل من ديتول وهذي صورته

وبعدها استخدم الخلطة الصابونية اللي انا مسويتها وهذي صورتها

ومكوناتها عبارة عن
صابونة الكركم وصابونة الغار وصابونة البابايا وماء ورد وكركم الجسم وملعقه كبيرة ملح خشن وملعقتين كبار سفيد اب مطحون وملعقة نشا
بشرت كل انواع الصابون مع بعض وتركتها على جنب
واخذت ماء الورد كاس وربع وحطيته على النار مع ملعقتين السفيد اب وشوي الكركم والملح الخشن وحركتهم مع بعض وتركتهم دقايق عشان تسخن على النار وبعدها اضفت الصابون المبشور عليه واحركه على النار حتى صارت عندي خلطه ثقيله شوي واشيلها من النار واحط على طول ملعقة النشا واحركها بسرعة وافرغها بعلبة زجاج واحطها الله يعزكم بالحمام واستخدمها مع كل شاور
قسم بالله حتى الحمام المغربي نتيجته مو مثل هالخلطه ماشاء الله تبييض وتوحد اللون وتعطي نعومه وصفااااااوه والكل لاحظها علي طبعا عندي الليفه المغربية واخذ شوي من الخلطه الصابونية وافرك جسمي كللللله واتركها 3 دقايق واغسلها قدام عيونكم بتشوفون اللون اللي ينزل لون بيج تقريبا يعني تنزل كل الاوساخ وينور الجسم والله
واحيانا بعد الخلطة الصابونية احط من ملح الحليب على جسمي كله واتركه من 5 الى 7 دقايق واغسله يوووووووووه على النعومه اللي بتحسونها والتفتيح وهذي صورته

واحيانا اسوي من السدر ماسك لكل جسمي احطه وانتظر لين ينشف ويجف واغسله مارح اقول لكم على النتيجه جربوها وبتنسطلون على اللي بتشوفونه مع الاستمرار
وثلاث مرات بالاسبوع اسوي هالسكرب للاقدام واليدين والركب والاكواع والله روووووووووعه
وهو عبارة عن ملعقتين سكر ونص ملعقة ملح خشن وملعقتين عصير ليمون واربع ملاعق زيت اللوز المر

يتبع

,,,,,,
نجي لليدين (الكفين) فقط
استخدمت خلطة سويتها وحطيتها بعلبة زجاج وحفظتها بالثلاجه لها شهر ونص عااادي ماتخرب ولاشي
ونتيجتها والله العظيم بدون مبالغه ..
اختي لها فترة ماشافتني ويوم تقابلنا قالت لي ماشاء الله رايحه الكوافيره من ورانا ومسويه بديكير ليدينك ورجلينك ولاتعلميني اروح معك
قلت والله مارحت ولاسويت
وبصراحه طرت من الفرح عرفت ان الخلطه جابت نتيجه ممتازة ماشاء الله
قالت لي بس يدينك ورجلينك لونها صار افتح ولونها مورد وفيها صفاوة ونعومه واطراف الجلد عند الاظافر كأنها منظفه
قلت ياحبيبتي السر في خلطتي
وعطيتها والخلطه هي عبارة عن
فازلين الاظافر واليدين اللي علبته ورديه وفكس وجلسرين و1 كريم تبييض وجيلوسيد
وهذي صورة الخلطه

قبل لا انام ادهن يدي فيها مثلها مثل اي كريم
بس استخدمها قبل النوم لان فيها ريحة فكس وانا ما احبه خلال النهار
,,,,,,,
نجي للاقدام
استخدم خلطة كثير لاحظوا نتايجها علي
وقبل الناس انا لاحظت الفرق
واعتمدتها وباذن الله ما اتنازل عنها ابدا ابدا
وهي عبارة عن
معجون اسنان وصابونة كامي او دوف الورديه وجليوسيد وجلسرين وفازلين وفكس
وادهن رجولي كل يوم قبل النوم والبس شراب وانام واذا صحيت غسلتها ودهنتها بجلسرين
قسم بالله تخلي رجولك ورررردية وبيضاء ونااااعمه واظافرك تلمع
وهذي صورتها

,,,,,,,
للمنطقة الحساسه والابطين
استخدم خلطه عبارة عن
سودو كريم مع زيت اللوز المر خلطتهم مع بعض وحطيتهم بعلبة زجاج وحفظتها بالثلاجه ماتخرب ابد
وبعد كل شاور احط منها
تفتح المنطقه كثييييير وتنعمها وتعطيها ريحه حلوه
وهذي صورتها

,,,,,,,
بالنسبة للاهتمام الداخلي
يوميا الماء اللي اشربه اضيف له ماء ورد لانه يعطي ريحه حلوه لافرازات الجسم ويعطي صفاوة للبشرة ولون وردي طبيعي
واشرب يوميا كاستين يانسون تطرد الغازات وتساعد على الهضم
وهذي صورته

وتفاحه وحده باليوم
وحبوب اخذها يوميا اللي هي حبوب الزنك تفيد الشعر والبشرة وتعطي الجسم الفيتامينات اللي يحتاجها فيها فيتامينات كثيييييييير
وهذي صورتها


يتبع

,,,,,,,
وهذي صورة علب الخلطات كلها جبتها وقصقصت اوراق وكتبت عليها كل خلطه تبع وشو وحطيت عليها اشطرطون شفاف
وبكذا ريحت راسي من الحوسه

وهذي صور لبعض الامور اللي لايمكن استغني عنها واشتريها داااائما
هذا مزيل العرق من زهور الريف ومعطر الجسم

اشتريته وجربت معطر الجسم رووووووعه وريحته خطيرة بعد الشاور اعطر جسمي فيه
لكن مزيل العرق شفتهم مدحوه بالمنتدى وقالوا يمنع الرائحه وانه يفتح منطقة الابطين وشريته والله ثم والله استخدمته مره وحده ورميته
اول شي لايمنع الرائحه ابدا
وثاني شي رطب وماينشف بسرعه
بالنسبة لي افضل مزيل عرق جربته دوف اللي يجي كانه صابون جاف من الداخل
وهذي مجموعة عطور مدحوها بالمنتدى وقلت بجربها وشريتها من الماجد للعطور

بالنسبة لفواحة العاذرية باذن الله لايمكن اتركها ابدا اروع وافضل واجمل فواحه جربتها بحياتي
استخدمها لبيتي يوميا تقريبا
وعطر ريما مدحوه وشريته وتندمت عليه ريحته مره ماعجبتني وتركته مثل ماهو على التسريحه
وعطر الجسم من العاذرية ريحته تجنن واحطه بعد الشاور بس اخليه للامسيات المميزه
وانا من الناس اللي احب اجدد بشكلي دايما واحب اسوي بين فتره وفتره نيو لوك
ولون شعري الاصلي بني غامق
وجربت الاسود والبني الفاتح والاسود مع خصل الاحمر العودي
وجربت الاشقر وجربت البني بخصل الاشقر وجربت الاحمر
وانا من الناس اللي عندي خلفيه كبيره بالميك اب والصبغات واعرف اجهز نفسي بالبيت
بس اذا كانت الصبغه بخصل مستحيل اسويها ما اعرف اروح الصالون
المهم قبل شهر رحت السوبر ماركت ومريت من عند قسم الصبغات
وجت براسي فكره الا ابي اصبغ
وشفت لون غريب وشدني (كستنائي بنفسجي) وقلت بجرب
واخذته وصبغت شعري
ويشهد الله انها ماشاء الله طلعت افضل صبغه جربتها بحياتي
لون شعري اللي يناظر فيه مايدري هو بني ولا بنفسجي
في لمعتين غريبه لونين بس بنفس الوقت صبغه وحده ولون واحد
مدري شلون اشرحها
وكل من شافني بخلال هالشهر سالوني عن اللون وشو ؟
ومن كثر ماعجبتني شريت علبه جديدة عشان بعد كم شهر اصبغ<<-- رجه ههههههه
وهذي صورتها


وياااااليت اللي تطبق اي شي من تجاربي بعد ماتشوف النتايج ترجع وتكتب تجربتها
ويلا شدوا الهمه ترى مافيها غير مشوار للصيدلية والعطار
وخذوا اغراضكم
وتعالوا البيت وادخلوا المطبخ وابدوا بكل خلطه لحالها خلصوا منها وحطوها بالعلبه واكتبوا عليها
وبس التعب بالبدايه وبعدها كل شهر تنتهي علبه وحده وتجددونها اما الباقي مو كل شهر ينتهي
والحمدلله على نعمته كثير الحمد والشكر
تحياتي
ام شادن