العلالي

للرفع

الله يجزاكم الجنه على المرور
اختي لوف فاكتوري ممكن قلبي طريقه ورق عنبك الله يجزاك خير

تامرين امر ياقلبي مع اني نزلته من قبل بس طبعي مااحتفظ بمشاركاتي
المقادير
1 غرشة ورق عنب (لغير الناطقين بالكويتيه برطمان ...علبه) جربت انواع كثيره بس مثل حدائق كاليفورنيا الاصلي الغلاف اخضر بدهبي لانه في تقليد للماركه ماحصلت يمكن العلالي الاكسترا قريب منه
3 اكواب رز مصري مغسول ومنقوع
ا كوب نعناع مفروم ناعم
نص كوب بصل مفروم
نص كوب طماط مفروم
نص كوب زيت زيتون
ربع كوب عصير ليمون
2 م.ك ملح
1 م.ك ملح ليمون ولو ماعندج زيدي كمية الملح العادي
2.مكعب ماجي خضار
اخلطي الرز مع النعناع والبصل والطماط وربع كوب زيت الزيتون والملح وملح الليمون وحشي ورق العنب
طبعا تحطين بطاط مقطع شرايح بقاع الجدر وصفي عليه ورق العنب المحشي لحد ماتخلص الكميه
جيبي الغرشه الفاضيه وحطي فيها مكعبين الماجي وصبي عليها لحد ثلاثة ارباعها ماي ساخن عشان تذوبين الماجي وزيدي عليهم زيت الزيتون الباقي وعصير الليمون
اذا تحبينه حامض واذا تحبينه عادي حطي نص كمية عصير الليمون
حطي صحن صيني ثقيل على كبر حجم ورق العنب داخل الجدر وفوقه ثقل ثاني مثل صحن او باديه عشان مايتحرك الصحن اثناء الطبخ صبي الماي اللي خلطتي
حطي الجدر على نار عاليه اول 5 دقايق وعقب وطي النار وخليه ساعتين اقل شي
ولما يستوي خليه مغطى لحد مايبرد اقلبيه بصحن التقديم يعطيج نفس الشكل اللي صفيتيه
تقدرين تسوينه قبل بكم يوم وتحطينه مع الجدر بالفريزر بس طلعيه وسوي خلطة الماي وسويه والله انه آخر مره قبل اسبوع سويته اختي تحلفني تقولي جاهز من بره اقولها شغلي مومصدقه لان الرز ذايب داخل الورق تقول مثل الجاهز

العلالي
اما قودي الله يديم النعمه