افعال هالمرأه جابت لي الضيقة

السلام عليكم
اخباركن
بقول لكن الموقف الي صار قبل العصر زوجي كان نايم ومعطي جواله ولدي يلعب فيه وانا بعد كنت مآخذه غفوه لما نام ولدي الصغير قلت ارتاح شوي قبل مايأذن العصر
وعلى ماغفيت الا الجوال يدق ويفتحه ولدي وانا نايمه ويجيبه لي ويصحيني وقال امك تقول وين ماما وصدقت خفت على بالي اهلي فيهم شي وبغيت ارد وأشوف الرقم الا هي ام عياله
وانا تلقائي اقطع المكالمة
الا تدق مره ثانيه
ويفتحه ولدي سبيكر الا تسال تقول وين بابا ويحطه ولدي عند زوجي واختبصت وقعدت تسال عن المواصير الي بالمطبخ وكيف أسكرها علما ان بيتها ساكنه فيه اكثر من ٣٠ سنه يعني ماهو صحيح سؤالها ابد
المهم بعد ماسكرت تنكدنا كلنا حسبي الله بس
تنرفزت انا بهالمكالمه صحى ولدي وقعد يبكي وانا قعدت وانا توي حاطه راسي
وزوجي قعد بعد وقعد يصارخ لان مايحب احد يقعده من النوم
قلت له أنت معطيها على جوها قلها لاعاد تدق وقت الظهر عارفه اننا بنام ولا عاد تسأل عني مالها فيني حاجه تقول لولدي ماما وين
قعد يصارخ ويتدعى يقول يامسؤول عنك بالعناية قصده بالمشفى
قلت اجل هي يامسؤول عنها بالمقبرة
تنرفزت على زوجي اكثر بدال مايدعي عليها هي يدعي علي انا
هي الي صحته من النوم مو أنا
وهالحين مانتكلم مع بعض هو دعى علي كيف أخليه يندم مستحيل اغفرها له