هذا مثل تركي قديم
أيضا قال الشاعر العربي
ازرع جميلا ولو في غير موضعه فلا يضيع جميل اينما زرعا
انا دائما أؤمن بهذه النظرية
واحب ازرع الجميل والاحسان في اي مكان دون أن انتظر مردود
واحس اني القاه بيوم من الايام ولو مالقيته انا بيلقونه عيالي
ودائما امري متيسرة الحمد لله على نعمه لها السبب
ما اصادف احد الا واحسن اليه حتى لو باقل شي لو ابتسامه لو حلويات للاطفال ترى امهاتهم تفرح لو مسواك لجدي او سجاده لجدتي وكل كبير بالسن
البنات الصغار اذا مدحتيهن أو شجعتيهن يفرحن
اي شي يفرح اللي حولي احب اسويه واذا جيت انام بالليل انام فرحانه لان اللي حولي مبسوطين مني
والشاعر القديم يقول
أحسن الى الناس تستعبد قلوبهم * فطالما استعبد الانسان احسان
واعرف قصص عن ناس سووا جميل ولقوه في يوم من الايام
ومو شرط من الناس انفسهم يمكن تلقينه في مكان ثاني
وتكسبين اشياء كثيره نتمناها اصلا
ـ محبة الناس
ـ الذكر والصيت الحسن
ـ الراحة النفسية
ـ الكل يتمنى يفرحك ويخدمك
ـ ماحد يتمنالك الشر
ـ الناس تفرح بدخلتك عليهم
ـ الاطفال يكبرون بعد سنوات قليله ويحفظون لك الجميل
ـ يحبون عيالك ....الخ
وش رايكن كل وحدة تذكر لنا موقف أو جميل سوته وما ضاع
نبغى هذي الصفحة للتفاؤل ونشر الجمال والاحسان في النفوس
نبي اللي يقرى يتمنى يسوي الخير مو العكس
نبي اللي غافلة تنتبه وتسير على هالطريق وتجرب مو خسرانه شي
فديتكن نبغى مشاركات جميله مثل أرواحكم الجميلة
وحنا العرب مجبولين على حب الخير والاحسان
انتظركن ولي عودة
وهذه لاول مشاركة:26:
يلزم عليك تسجيل الدخول أولًا لكتابة تعليق.
الصفحة الأخيرة
ياسلام على ذوقك