بنات الله لايحرمني منكم ومن هالمنتدى الرائع والله يكتب لنا اجر كل حرف نكتب فيه ولايحرمنا من الجنه
وربي من عرفت هالمنتدى نسيت الوحده ونسيت اني بعيده عن اهلي وصرتوا انتوا خواتي الله يخليكم لي
يااااااااااارب
بنات مافي انسان بها لدنيا حياته تخلو من المشاكل والحزن وهذا كله ابتلاء واختبار من الله عز وجل بس الحكمه في كيف نتجاوز هالاحزان والمشاكل ونخلي حياتنا سعيده
وكل ماتقربنا لربنا سبحانه وتعالى كل ماتخلصنا من مشاكلنا واحزاننا وحسينا بسعاده
اخواتي انا مريت بحياتي بتجارب ومشاكل ومصاعب كثييييييييييييييييييييييييييييره وشفت تجارب لناس وربي مع الصدقه كل شي يتغير سبحان الله
بنات لو وحده منا راحت السوق بتشتري فستان وهي حاطه بباله مبلغ معين لهالفستان مثلا بـ 3000ولقت فستان عجبه واخذته بـ1800طيب لو اخذت 200 ريال من 3000 وتصدقت فيها ربي بيبارك لها بهالفستان
طيب لو حده راحت مطعم مع اهلها اوزوجها وعيالها وتعشت بفاتوره قيمتها 630وتصدقت ب20 ريال
طيب لو وحده يوم الجمعه اخذت 5 كيلو برتقال و5 كيلو تفاح وجابت الاكياس الصغيره حقت الحم وحطت بكل كيس حبتين تفاح وحبتين برتقال وطلعت الشارع وزعت على المساكين والفقراء مثل عمال النظافه
طيب لو وحده مثل برمضان او يوم عرفه او يوم عاشوراء وهي تتطبخ الفطور كثرت فطوره شوي وارسلت للمسجد
لو وحده جمعت الملابس اللي عندها طبعا هي عندها قديمه بس عند غيرها جديده وتبرعت فيها
بنات كل هذي امثله وفي الف مليون طريقه لصدقه وكل هذا له تأثييييييييير كبير على حياتنا
بنات ترى الريال والعشره الريال عندنا قيمته بسيطه بس عند غيرنا يسوي كثيييييييييير
والله الذي لااله الى هو اني شفت وحده مصروفها الشهري هي وعيالها 80 ريال لاتقولون مستحيل ترى بسبب النعمه والخير اللي احنا فيها ما حسينا بهالشي
بنات والله الذي لا اله الى هو في وحده اعرفها وصار عليها حادث وهي رايحه للجامعه مع صديقاتها وكل اللي كانوا معاها بسياره توفاهم الله رحمة الله عليهم وهي بالمستشفى وبالعنايه المشدده وعلى الاجهزه وكانوا الاطباء يقولون مستحيل تعيش واهلها يدعون لها ويتصدقون عنها بكراتين موية صحه بالمساجد والله العظيم 14يوم وصحت والله حتى الدكاتره يقولون معجزه سبحانه عز وجل
في بنت هنا اعرفها معانا بالمنتدى تقول تصدقت بمبلغ بسيط وهي بسوق وكانت تتمنى الوظيفه ثاني يوم دقوا عليها مدرستين شوفوا قدرة الله سبحانه وتعالى
وامثله كثيييييييييييييييييير
كلها اشياء بسيطه ومفعوله وتاثيرها عل حياتنا كبير
بنات لتبخلوا على انفسكم بصدقه فهي اجر عند الله في الاخره وسعاده بالدنيا
بنات هذا موضوعي انا كاتبته لا منقول ولا شي
بس اطلب منكم الدعاء لي بذريه الصالحه عاجلا غير اجل وطفل :04:يقولي ماما
يااااااااااارب
انتظر ردودكم وتجاربكم:26:
يلزم عليك تسجيل الدخول أولًا لكتابة تعليق.
كوب كابتشينو
•
حرام عليكم ولا رد :06:
آرامكو
•
الله يجزاك خير
صادقه أبواب الخير كثيره بس وين أهل الخير ؟
لاتحقرن من المعروف شئ
الصدقة لها فوائد عديدة: تدفع البلاء وتزيد الرزق ..إلخ
صادقه أبواب الخير كثيره بس وين أهل الخير ؟
لاتحقرن من المعروف شئ
الصدقة لها فوائد عديدة: تدفع البلاء وتزيد الرزق ..إلخ
الصفحة الأخيرة