اففففف من زوجي ... طفشت من هالحال وتعبت يارب رحمتك

السلام عليكم

بنات انا تعبت نفسيا من زوجي
شعري شيب وانا لسى مادخلت الثلاثين

طبعا في مشاكل واختلافات كثير بيننا وانا صرت الي ارخي الحبل مابي المشاكل وصدعه الراس
شخصيته غير تماما عن شخصيتي وكنت اتمنى شخص يفهمني او عالاقل يكون طبعه قريب من طبعي عشان نتوافق لكن احنا ويييين انا فالشرق وهو فالغرب الي يعجبني مايعجبه والعكس صحيح

الي خلاني اكتب الموضوع قهررري من زوجي وقمعه لي مايبيني اطلع مكان ابدااااا
يقول طول الوقت وانتي فالسوق ياربي والله يرفع ضغطي المشكله اخر مره رحت للمول كانت قبل سنه تقريبا
لو اطلع للشارع شوي وارجع يقول خلاص امس طلعتي توك طول وقتك فالسوق اجلسي فالبيت الحرمه مكانها فبيتها

يابنات ابي مشاوير ابي اطلع ابي اتنفس مااافي
خاطري الف فالشوارع وادخل المحلات واتفرج بس مافي امل يقول تضيعين الوقت بدون هدف
يا اطلعي لشي ضروري جدا يا مافي طلعه
حتى التماشي بطلعة الروح
المطاعم هذي خلاص نسيتها مايوديني لسبب تافه (( انه مايحب اكل المطاعم))
واكتشفت بعدين انه طلع مع اصحابه لمطعم

وربي اتمنى سوااااق وبس عشان اطلع واجي بكيفي
صرت اتمنى يجي اليوم الي نسوق فيه عالاقل نأدي مصالحنا الي متعطله بسبب عالرجال الي ذلونا وربي

المشكله لو كان مشوار له عادي يروح ويرجع حتى لو يسافر ويرجع في نفس اليوم ماعنده مشكله

بالله عليكم مايقهر هالوضع ؟؟ ولا انا مكبره الموضوع ؟؟