افكاار وفنااتق جهنميه لجمال بشرتكم يا حوائيات.

السلام عليكم

اشلونكم خواتي

هذا الله يسلمكم وانا افرفر ف اليوتيوب لقيت وحده فلبينيه مدري صينيه مدري تايلنديه المهم انها

من طخه امهات العيون المسموته ع قولتهم هههههههه لها فيديوات وااااايده كلها عن الاهتمام ببشره

الوجه.لحد هنيه الموضوع عاااااادي ..بس اللي مو عادي والجديد والحلو فيه انه جمييييييع اقنعتها

وماسكاتها وطرق اهتمامها ببشرتها طبيعيه ميه بالميه وهي بنفسها اتجمع المواد والمقادير وتسويهم

جدامكم وتحطهم ع وجهها..حشى طبخه!!

المووووووهيم..طبعا ممنوع احط روابط لكم بس تقدرون اتسوون بحث ف اليوتيوب باسمها

michelle phan

وان شاءالله تطلع لكم الفيديوهات وتجوفونها بنفسكم احسن :)

اللحين بخبركم عن بعض ماسكاتها وفناتقها واللي عجبتني وطبقت بعض منها ع طوووووول لان مكوناتها سهله

وموجوده ف كل مطبخ..

اول قناع سوته..قناع الأسبرين مع العسل.

خذت 3 حبات اسبرين عادي وذوبتهم ف ملعه ماء اكل بعدين حطت ملعقه اكل عسل وخلطتهم وع طووول

حطته ع وجهها باصابع ايدها وتركته لمده 10 دقايق فقط..النتيجه بياض ونعومه واتحسين انج فرررررش.

ونصحت اتسويينه من مره لمرتين ف الاسبوع فقط.

________________________________________

ثاني قناع سوته..الجيلاتين مع الحليب خاص للانف لازاله النقط السوداء منه..عجيييييييييييييييييب!!

خذت ملعقه اكل جيلي اي نوع متوفر عندج عااادي وخلطته مع ملعقه اكل حليب كمان اي نوع اللي موجود

بالثلاجه وحطته بالميكروويف ثوااااني بس حتى يذوب الجيلاتين..طبعا حطته ف كأس خااااص للميكروويف

انتبهوااا اوكيه..وعقب ما برد اشوي اخذت فرشاه مكياج صغيره جدا واستخدمتها لوضع الجيلاتين ع انفها ووزعته

بطريقه مرتبه ع كااااامل منطقه الانف..تركته لحد ما يجف تمااااااااااااااااااما..بعدين نزعته بخفه حاله حال اي

ماسك عادي والمفاجأه انه طلع ملياااان اوساخ ورؤوس سوده..لاعت جبدي منها خخخخخخخ..بس النتيجه حلوه.

________________________________________

ثالث قناع سوته..مكعبات الثلج بالشاي الاخضر..نظاره ولمعه وفررررش.

خذت كأس ماء بارد وحطت فيه ظرف شاي اخضر(خرز) ومو مشكله لو كان ظرف عادي ابو خيط ليبتون مثلا ماا

يفرق المهم انه اخضررر لان فائدته اكثررر..بعدين اخذت 5 كبسولات فيتامين اي وعصرتهم ف الشاي بعدين

صبته ف قالب الثلج المكعبات وع الفريزر تركته مده بسيطه ما ثلج كاااامل لا نص ونص وطلعته وغرزت ف كل

مكعبه عود اسنان ورجعته للفريزر..يوم ثاااني طلعته طبعا تجمد بالكاااامل بس الحلو فيه لمن شالته بسهوله

بعود الاسنان بكل نظاااافه وقامت تمرر بالثلجه ع كاااامل وجهها وقالت عاااادي تقدرون تسوونه كل يوم الصباح

بعد ما تقعدون من النوم..

_________________________________________

رابع قناع..اي نوع كريم مرررررطب ليلي او نهااااري..الفكره انها استخدمت فرشاه اسنان تعمل بالبطاريه يعني

اسنان الفرشاه تفتررر بروحها ههههه فهمتوا ههههه وهالشي قام بعمل المسااااااااج والتدليك للوجه..الصراحه

عجبتني الفكره وطبعا تقدرون اتطبقونها بفرشاه الاسنان العاديه.

_________________________________________

خاامس قناع سوته او بالاحرى فنتق او خطه سوتها علشان تكتسب اللون البرونزي ف وجهها اش تتوقعون

سوت؟؟

خاااااااااااااااص للمتزوجين شي حلووو ولذييييييييييييييذ يمممممي يممممممي :)

شوكولاااااااااااااااااااااااااااااته!!

ايه شوكولاته..تصوروا شي جديد الصراحه وفكره جهنميه منها انا سميتها السااااااااااااااااااحره لانها صج ساحره

عليها افكاااار وفنااااتق جهنميه يعني صج بنت ذكيه ابصراحه وفوق هذا كله اذا جفتوها بتلاقون انها حبووووبه

وعسوووله وااايد..

المهم..اخذت بودره شوكولاته الحلوه مب المره لاحظوا لانها اساسا امسويه هالفنتق حق البوي فرند مالها

هههههه خذت البودره وحطتها ف صحن واستعملت الفرشاه الخااااصه بالخدود وحطت ع خدودها ووزعته

بطريقه مرتبه بحيث يتجانس مع وجهها والصراحه اللون طلع حلوو كأنه مكياج صج مو بودره شوكولاته!!

وايد عجبتني الحركه..ولا انتم اش رايكم؟؟

______________________________________

وبسسسسسس..

انصحكم اتجوفون فيديوهاتها كلها مفيده ومميزه ولو كان عندي وقت اكثرررر كنت حطيت لكم افكار اكثرررر واكثررر.

اتمنى ان الموضوع كان حلو وخفيف ع قلبكم.

:)

عسووووله.