جايبة لكم اليوم افكااار خلااااااااات جوناااااااااان
شفتها بمناسبااااااااااات انا راااااااااااايحتها
((( الليلة الفرحة ملت واسع الكون )))
الليلة الفرحـة ملـت واسـع الكـون
وهلت لنا مزون الغـلا عـذب ماهـا
الليلـة لشمعـة حيـاتـي يـزفـون
وتكحلـون عيونكـم مــن حـلاهـا
والطفلة اللي جت تمشي على الهـون
تهدي لهـا عطـر الـورود وشذاهـا
ورود حـب و كـل وردة لهـا لـون
وعلـى محياهـا الـبـراءة تبـاهـا
و اذا سألتوا نور عيني مـن اتكـون؟
وكيف املكـت قلبـي وذاب بهواهـا؟
اليـوم لا طلـت عليـكـم تعـرفـون
منهي و وش سر الغـرام و غلاهـا؟
تمون لو تطلب نظـر عينـي تمـون
تزعل علي الناس و اكسـب رضاهـا
الغالـي اللـي تطلبـه منـي يهـون
روحـي و قلبـي و المشاعـر فداهـا
"اسم العروس" تحط عروق قلبي لها اغصـون
واصدق شعور الحب يـروي ضماهـا
الزينـة اللـي حيـرت كـل مزيـون
تمشي و كـل الزيـن يمشـي وراهـا
ما الومكم لـو مـن حلاهـا تغـارون
الله وهبهـا الـزيـن و الله عطـاهـا
وش تذكرون بزينهـا و وش تخلـون
مـن راسهـا حتـى مواطـي حذاهـا
ما كنت احسب ان المشي ذوق و افنون
لين اقبلـت "اسم العروس" ترتـب خطاهـا
وليل الجديل اللي تمايل علـى امتـون
وغطـا نحرهـا بالظـلام و كسـاهـا
و الضحكة اللي تحتها الـدر مكنـون
و البسمة اللي تنرسـم فـي شفاهـا
هو جسم و الا خد و الا هـي عيـون
متميـزة بالزيـن عـن مـن سواهـا
لطلتـك كـل الحـضـور يتـحـرون
ويبغون شمس الصبح ترسـل سناهـا
طلـي و خليهـم لزينـك يشـوفـون
يا "اسم العروس" سنينـي و مصـدر ضياهـا
طبقت القصيدة اللي فيها وطفلة صغيرة جات تمشي على الهون
وكان العريس ماسك بيده سلة ورد والعروسة على نهاية الممر في قفص خشبي مغطى بقماش
وعلى جوانب القفص ولدين ماسكين فرش احمر .
والعريس مايشوفها .
العريس اعطى البنت سلة الورد وكانت القصيدة شغالة حقت طفلة تمشي على الهون والطفلة ترش الورد
بطريق العروس بعد ماوصلت الطفلة ضربت القفص بعصا سحرية وانفتح باب القفص بعد ماوصلت القصيدة لكلمة طلي عليهم
والولدين فرشوا الفرش الاحمر بطريق العروسة والعروسة مشت عليه وبعد ما وصلت اشتغلت زفة لجواد العلي
وكانت الزفة والله جونااااااان
.............................................
((( ملكات الجمال)))
كانت الزفة كانها حفل تتويج ملكات الجمال
شغلوا فيها شعر بأسماء بنات (اميرة الورد - شيخة الزينات - الدلوعة - الملاك - المغرورة - المذهلة - الغالية - أحلى البنات )
كل بنت لها بيت في القصيدة لما يقولهم تخش وعليها تاج ووشاح مكتوب فيه اسمها
بعدين تجي ابيات يوصف فيهم الملكة وتخش العروس وتبدا موسيقى وهي تمشي لما توصل نهاية الممر
يقول واالان تتقدم احلى البنات للتويج ملكة الجمال لحفلتنا
وتجي بنت ماسكة مخدة عليها تاج الملكة وتوج العروس
وبعدها تبدا زفة البدر
.................................................. .....................
((( زفة مراحل القمر )))
رسمنا فيها على فلين ولوناهم مراحل القمر ( هلال بداية الشهر - نص بدر - بدر - هلال نهاية الشهر)
وركبنا بنهاية كل مجسم عصا .
وكان الاسطوانة فيها ابيات الشعر هذي بصوت شاعر وبعدها زفة البدر لراشد الماجد
في بداية كل شهر نحتري طلته
كل عين تتسابق لشوفته
يازين سمانا تتزين ببسمته
و(اخت العروس) علينا تمثل دخلته
تتسارع الايام وتكبر ضحكته
ويكون نص البدر بأجمل حلته
(أخت العروس2) بحلاها تمثل رسمته
يازينها لما تعادل نظرته
يوم 14 (اسم العروس) بحلاها
هي بدر حفلنا وفتنته
ياحسنها ويا ماأحلى خطاها
قمر وهي حفلنا بطلتها نورته
يدخل خوات العروسة حاملين المجسمات وتدخل العروس بعد اللي حامله البدر على كلمات الاسطوانة ...
.................................................. ...
((( زفة البشت )))
عندي فكرة بسيطة كنا بنسويها في زواج اخوي بس ماسويناه
وهي أن أخوي وابوي واخواني يدخلووون مع بعض على زفة يامعيريس عين الله تراه
بس اخوي مايكون لابس بشت
الكل راح يتسال اي واحد فيهم العريس
بعدهاا ينفتح الباب وتدخل امي وبيدها البشت على جلوة
عشت ولبست البشت ياوليدي
وتوصل عندهم وتلبس اخوي العريس البشت
بعد تشتغل الزفة المعروفة لا اله الا الله
.................................................. .....
((( زفة الدانة )))
الكوشة كانت عبارة عن بحر وقواقع متناثرة فيه ولونها بحري
على انغام موسيقى واصوات البحر يدخل
على الممر ست بنات حاملين بيدهم سنارات فيها توزيعات الحلويات معلقة
ويوقفون على جوانب الممر ..
بعدها يعلى صوت الامواج ويفتح باب القاعة
ويدخل مجسم حاملينه عشر بنات على شكل قوقعة وبداخله ا7لعروس بس مغطى
على انغام اغنية محمد عبدو ( يا دانة بعين بحارك ترى الأحساس ربانك ادم & حواء. ... يا دانة بعين بحارك ترى الأحساس ربانك. وانا ربان هالمركب وأفني رحلتي عندك وحطيت الأمل عندك ...)
وتفتح القوقعة وتطلع العروسة وتمشي على الممر ...
بعدها تشتغل أغنية محمد عبده ( الله أكبر يوم ضحكت نادت محمد ... ) عشان العريس كان اسمه محمد
ويجي العريس ويمسكهاا ويمشون للكوشة ...
.................................................. ...............
((( زفة نجمة البحر )))
اول حاجة اطفال اربعة حاملين معهم عدة البحار القديمة سنارات وشبكات والذي منه ...
ولابسين فوق راسهم قترة لافينه وملابس داخلية فوق وتحت وزار مادري اذا تعرفونه
يعني لبس البحار القديم ....
يدخلون من باب القاعة على نغمة موال آوووه يامال ...حق البحر
يوقفون على بداية الممر ويرمون الشبكات بعدها ينفتح باب القاعة ويشتغل الدخان
وتطلع العروسة لابس فستان فيه نجوم وعليها شبكة الانوار اللي تشتغل بس تنتبه على نفسها لا تولع
وتكون تبرق وسط الدخان ....
ويسحبون الشبكة الاطفال على اساس انهم طلعوها من وسط البحر
وتوصل عن بداية الممر وتشيل عنها شبكة الانوار ويمسكون ايدها الاطفال ويوصلونها لزوجها اللي واقف
بنايهة الممر.....
.................................................. ...........................
(( زفة مقتبسة من مسلسل يوسف الصديق )))
حبيت اعرض لكم فكرة زفة مقتبسة من مسلسل يوسف الصديق
سوينا خشبة عرضها مترين وطولها ثلاث امتار وركبنا تحتها بالجوانب عامودين خشب عشان نسهل حملها وفوقها ركبنا ريش يعني سوينها نفس العرش السيار حق زليخة بس مبسط ....
استجرنا لبس فرعوني كامل والريش اللي معاه
واسطوانة كان مسجل عليها مقدمة مسلسل يوسف الصديق
" واذ قال يوسف لابيه أني رايت ..........."
بداية الزفة
ينفتح الباب اللي ببداية الممر وتشتغل الاسطوانة اللي فيها المقدمة
وتدخل عشر بنات حاملين العرش وفوقه بنتين لابسين اللبس الفرعوني
وينزلونهم عند بداية الممر وتنزل البنتين ويمشون والموسيقى حقت المسلسل شغالة
الى نهاية الممر يكون الزوج واقف يحيونه تحية فرعونية ويوقفون على جانبيه
بعدين يطلع من نفس الباب دخان كثيف وتدخل العروس وتمشي
توصل نص الممر
يجون البنتين ويمسكونها ويوصلونها للزوج
..................................................
اتمنى افكارنا تعجبكم
مــــــــــــنقول:icon28::icon28:
شيطووونه بابا @shytooonh_baba
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
روعه
من وين جبتيها
جزاك الله خير