يمر اليوم بسرعة
ماهي افكاركم لاختصار الوقت في الطبخ والتنظيف ومتى تخصصي وقت العبادة
نتمنى ان نستغل رمضان للعبادة ودون تقصير في امور البيت
الطشت الكبير للي ماعندها غسالة صحون مريح احط مويا وفيري واجمع المواعين فيه
وبعد ساعة اشطفها بالماء
الدجاجة بطبخها مره وحده نصها للفطور ونص للسحور
قدر الضغط مريح جدا في اختصار وفت الطبخ وخاصة الابدام ماياخد عشر دقائق
الشوربة بسوي حق يومين ادا حب
السمبوسة والكشنة بفرزن ان شاءالله
وانتم ماهي افكاركم
ومازلت افكرررر
بالنسبه لي افرزن السمبوسه و سبرنق رول قبل رمضان بكم يوم اسوي كميه كبيره تكفيني الي نص الشهر تقريبا
اصحى الظهر او بعد الظهر ا سوي الشوربه و الحلى اسوي كميه تكفي يومين
واسوي اي شي ثاني للفطور
مايجي العصر الا انا فاضيه ماعندي شي اقرا قران او استغفر و اسبح يعني اسوي اي شي من العبادات
وزوجي يجيب الفول قبل المغرب
طبعا افطر واخلص واغسل المواعين و اريح الين العشاء واصلي واقرا قران شوي
والسحور ما اسوي دايم ناااادر اسوي احيان ناكل من باقي الفطور واحيان اسوي اشياء خفيفه او نواشف او ساندويتشات لان زوجي مايحب ياكل طبخ في الليل او قبل النوم
واهم شي ينامو بناتي وزوجي على الساعه 2 او 3 انا اكون روقت و اقوم ارتب وانظف لو فيه شي واصلي الفجر وانام
1- اهم شي التنظيف و الترتيب اول بأول عشان لا يتراكم الشغل ويصير تعب البي وتعب الفطور والسحور ويروح الوقت كله في الشغل والتنظيف ومايكون وقت للعبادات .
2- لازم الوحده تصحى قبل اطفالها عشان يكون عندها فرصه ووقت تجهز للفطور وتنظف بسرعه .
3- حاولي تختصري المواعين وقت الفطور مثلا ملعقتين وحده كبيره ووحده صغيره للتقليب والتجهيز وكاسه وحده و قطاعه وصحن بكذا ماتتراكم المواعين كل ماتستخدمي الملقعه غسليها واستخدميها ثاني و نفس الشي باقي مواعين التجهيز
4- انا احط سفره على الرخامه حقت المطبخ و اجهز فوقها عشان لا تتوسخ الرخامه ولمن اخلص تجهيز وطبخ وتقطيع اشيل السفره ارميها وبكذا تكون دواليب المطلخ نظيفه مافيها فتافيت و لا اي شي
5- استخدم في الفطور صحون بلاستيك افرش عليها منديل عشان المقليات لاكن الاشياء الساخنه مثل الشوربه وغيرها احطها بقزاز واستخدم كاسات للمويه والعصير والبن كاسات بلاستيك عشان ماتتراكم المواعين ويكون الشغل خفيف ...
كثير يقولو ليش بلاستيك ومو حلوه ولا يقولون الي تستخدمها مو سنعه ورفله انا اقول بالعكس في اوقات الواحد يحتاج يستخدمها مثل رمضان عشان اختصار للوقت والجهد ويكون عندنا طاقه للعبادات والتفرغ للاطفال والبيت
6- اقطع كميه خضار مثلا بطاطس وجزر وكوسا واوزعهم في اكياس على عدد الطبخات واستخدمها في شوربة الخضار او مع الباشميل او اي طبخه تحتاج خضار
7- افرم ثوم بكميه كبيره في علبه واحطهم بالفريزر برضو اختصار للوقت انا هذا الشي طول السنه اسويه يعني دااايم مو بس رمضان
8-سوي الحلى والعصير من الليل والافضل تسوي كميه زياده عشان يتوفر لثاني يوم
9- ومثل ماقلت تنظيف المطبخ اول بأول والبيت قبل ماتنامين في الليل لازم يكون نظيف ومرتب ومبخر عشان تروح ريحة القلي والطبخ حتى لمن تصحين ثاني يوم بتنفتح نفسك للطبخ والعبادات وتحسين بطاقه ايجابيه .