افكار..لاستغلال الايام العشر من ذي الحجة..للمتأخرات

السلام عليكم

وحشتوووووني يالغاليات
صج من زمان ما جيتكم لاني كنت
اولا... اعاني حالة احباط
ثانيا .... النت مفصول
ثالثا... اتغلى
رابعا.... اتدلع ومحد عطاني وجه :)

المهم اللي جذبني اني اكتب اليوم موضوع الاخت كان على بالي http://forum.hawaaworld.com/showthread.php?t=1065686

نبي نسطر افكارنا عشان الكل يستفيد منها وخاصة جميع عضوات قسم تأخر الحمل
لازم شوي نشد الهمة وندعي ونطلب والله ان شاء الله بيستجيب لنا

المطلوب ... عصف ذهني
نبي نسوي عصف ذهني يعني كل وحدة تدخل تكتب افكارها واللي بتسويه خلال هالايام وفكرة على فكرة راح تطلع افكار حلوة في كيفية استغلال الوقت المبارك

مثلا راح تقولون لي قراءة القرآن .... راح اقول لكم حددوا السور

مثلا الصيام .. هل بيكون كل يوم أو يوم وترك

الدعاء .. ماهو الدعاء وياريت كل وحدة تدعي لنفسها وللجميع في السر او في العلن

الاستغفار...ماهي صيغ الاستغفار اللي راح تقولونها في هالايام

الصدقات ... ماهي النية؟؟؟

ويعني من هالافكار الطيبة اللي عندكم

لاتدخلون وتقولون جزاك الله خير وتطلعون...

قولوا جزاك الله خير :) وكتبوا اي كلمة في مجال الموضوع يمكن وحدة فينا تستفيد من افكاركم وتاخذين الاجر معاها... حتى لو كنتوا ماراح تطبقون الافكار في غيركم راح يطبقها

افكاري....
اولا .. قراءة سورة البقرة كاملة يوميا
وقراءة سورة مريم ...يوم وترك او يوميا ... حسب الوقت المتوفر
قضاء المتبقي من دين رمضان وصوم باقي الايام تطوعا لله
شراء هدايا وكسوة للاطفال الفقراء بنية الحمل وفرحة الاطفال عسى الله ان يفرحني بجنين في رحمي من زوجي ويتم حمله ويطلع طفل صحيح وسليم
اكثار الدعاء من ... رب لاتذرني فردا وانت خير الوارثين



ودمتم بود

المحبة the lover