السلام عليكم ورحمة الله وبركاته
كتبت هذا الموضوع يابنات لاني ما اشوفكم الي مثل خواتي واتمنالكم الخير
عندي كذا فكرة اطبقها بحياااتي وحبيت تشاركوني فيهاا وطبعا اكيد الافكار فيها خير ان شاء الله واجر عظيم
بس اتمنى تقولون ماشاء الله تبارك الله ,
افكار متنوعه مافي شئ محدد بس صدقوني لها اثر كبير على حيااتي وعلى حيااتكم ان شاء الله
1- كلنا نعرف فضل قراءة سورة الملك قبل النوم لكن اوقات نتمدد عالسرير بعد يوم شااق ونبغى ننام على طول مايكون لنا حيل نقراها كمان سورة الكهف يوم الجمعه اوقات يمر اليوم من غدا وجمعه اهل وظيوف وتروح علينا اجر قرأتها ونور مابين الجمعتين وسورة البقرة فضل قراتها يومياا تحمينا وتحمي البيت من الامراض الروحية فكرتي يابنات في سماعات مثل الكورة تتركب على الجوال او ام بي 3 حملي فيها السور وحطيها بوسط البيت وشغلي السورة الي تبينهاا ورددي معاه بخشوف وانتي تشتغلين انا عن نفسي حاطة السماعه بالمطبخ وقت مااطبخ غدا الجمعه اسمع سورة الكهف وارددها وقت العشاء اغسل مواعين العشاء واشغل سورة الملك قبل لا انام وهكذااا بس اهم شئ ترددين معاه وتستشعرين كلام الله جل وعلا . وبكذا تكونين وفقتي بين الثنتين شغلك واجر قرائتها طبعا هذي الفكرة لناس المضغوطين بالشغل وربات البيوت الي ماعنهم وقت فراغ اما لو تقدرين تقرايها بخشوع قبل النوم او عندك اوقات فراغ كثيرة افضل وكلانا لنا الاجر باذن الله .
2- بما ان الجوال اغلب الوقات معانا وماخذ كل وقتنا وانا اولهم وما اعمم بس الاغلبية الي اشوفهم فليش مانستغله باشياء تفيدنا مثلا حملي اذكار الصباح والمساء بالجوال واقرايها بستشعار الكلمات ومعانيهااا صبح ومساء , في قروبات ايمانية راائعه فيها ادعيه وقصص مؤثرة وقروبات لمراجعه حافظين القران واشياء كثيرة مفيده.
3- شغل البيت وتربية الاطفال ومقابلتهم كله هالتعب يابنات لايروح اجره علينا وانتي تشتغلين واطفالك يخربون او يتعبونك احتسبي الاجر ادعيلهم بالهداية والصلاح انتبهي في حالة غضب تدعين عليهم لانه ماحد بيستحملهم كثر الام وهذا جهاد ولنا اجره باذن الله بس نحتسب الاجر لله وقولي اللهم اجرني .
4- طبعا قومة الصباح هذا شئ ثاااني وتذكروا حديث الرسول صَلَّى اللَّهُ عَلَيْهِ وَسَلَّمَ: "اللَّهُمَّ بَارِكْ لِأُمَّتِي فِي بُكُورِهَا", واتمنى احافظ على قومة الصباح وابطل سهر , يابنات مافي زي بركة الصباح تصلين وتقراين قران وتستعينين بالله وتسوين شغلك والله يابنات لما اشتغل بالصباح الوقت فيه بركه واخلص الشغل في غضون كم ساعه اما لو بالليل الوقت يمر بسرعه واحس بتعب وارهاق, فنحاول نقلل سهر ونصحى الصباح .
هذي الافكار الي حضرتني وان شاء الله لو تذكرت شئ رجعت وكتبته , اتمنى اكون خفيفة عليكم سامحوني لو طولت ولا كرثت بالكلام
والله يكتب لي ولكم الاجر .
احبكم في الله :26:
عفيراء @aafyraaa
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
سبحان الله وبحمده