افكاري في تنظيف بيتي ان شالله تعجبكم

السلام عليكم


كيفكم ان شالله طيبات


بما اني ماعندي شغاله وبيتي كبير يكون التنظيف صعب بس الحمدلله قدرت اسيطر على الوضع بطريقه سريعه ومريحه


وعندي افكار جربتها وحبيت اقولكم عليها

اولا نبدا بشغل المطبخ

اذا بحط دجاج اشويه بالفرن او احمره مااحطه على الصينيه مباشره احط قصدير وبكذا السواد والتحمير يروح بالقصدير وبكذا يسهل علي الشغل وماياخذ وقت


وعقدتي الجبنه السايله اذا اخذتها بملعقه لان بالسكين مااعرف مثل الدعايات وحركاتهم المهم استخدم الملعقه البلاستك وارميها يمكن تضحكون علي بس مره عقده عندي :09:غسلها

واخذ بخاخ بلاستك فاضي واعبيه لينور وديتول بس اقلله ومويه وارش الكنبات وانفضها بالمنشفه مرتين بالاسبوع

وغسيل المغاسل تبع الحمامات الله يكرمكم اجيب سطل صغير احط مويه وكلوركس وديتول وصابون واغسل فيه كل المغاسل
والارضيه نفس الخلطه


وسويت نفس حركة وحده من بنات المنتدى الله يجزاها خير ويسعدها الي هي كيس المكنسه الي تحط فيه دهن فواحه ولينور وبخور مرررررره روعه الحركه وريحه تجنننننن

وحركتي الي اسويها اذا زوجك مايتضايق من الروائح القويه انا اجيب زيت الفواحه وانقط نقط على حواف السرير بحيث مايبقع يعني تحت ومره ريحه تجنن تقعد عشر ايام بعدواكثر

واذا عندك كوي يحتاج مويه خذي بخاخ وحطي معاه لينور وبخي مع الكوي مره حلووو

ومفرش السرير احلى شي خلطة 5وخلطة 2عندالماجد للعطور مره رايقه وحلوه

والموكيت اخذ الفرشه القويه عشان امشط السجاد احط زيت فواحه ومويه وتصير الريحه تهبل

وبس هذي افكاري وان شالله تكون جديده وحلوه

وادعو لي بكل الي اتمناه وان ربي يهدي عيالي ويخليهم لي

:27: