افكار ااتوفير في الميزانيه..

سبحان الله وبحمده

رفع

وانا مثلك ويدي مفلوته حبتين 😶
بس بعد الاطفال احسب حساب كل شي واتمنى الاخوات الي عندهم خبره يفيدونا

انا الفلوس تجيني من هنا وتطير بسرعه 💔

اول شي ضبطي الأكل حطي منيو اسبوعي تكررينه كل أسبوع وحددي الأغراض الي تحتاجين واشتري الخضار في موسمها وفرزنيها الي تقدرين تشترين حملة اشتري جملة الأمل يوفر عليك كثير اذا مافيه هدر وإذا تكررت الأكلات بشكل اسبوعي ماتملون الطماطم لها وقت تصير رخيصة مرة اشتريها واطبخيها مع بصل ( حمستك) وحطيها في الفريزر مثلا السمك أوقات يصير أرخص اشتري منه وهكذا
المنظفات وفري فيها اشتري الرخيص لكن انتبهي بعض المنظفات تكون رخيصة لكن تستهلك بشكل اكبر فاظبطي السعر مع مرات الاستخدام وإذا بيتك كبير وفيه مكان تخزين وماديتك تسمح اشتري جملة
حطي دفتر للبيت أي شي تحتاجينه اكتبيه وشوفي هل استخدمتيه او لا هل هو أساسي او لا بيساعدك على ترتيب امورك
الجوال خلي تلفونات العائلة كلها شركة وحدة اغلب الشركات مكالماتها مجانية لنفس الشركة
اطلعي طلعات مجانية حديقة مع الاولاد اوفر بكثير من مدينة ألعاب وأحسن لصحتهم
روحوا مكتبة عامة اقرو بدل ماتشترون كتب
عموما أي شي مجاني استخدميه
الملابس لاتكثرين أبداً خاصة بلدانا حار تغسلين الملابس وتنشف بسرعة فعدد الملابس يكون قليل وكافي خلي جلسة العائلة في مكان واحد عشان المكيفات واللمبات ووقت النوم يروحون الغرف مايصير كل واحد جالس في غرفته طول اليوم
ركبي فلتر ولا تستخدمي ماء معلب أبداً
كثروا خضار وبقول اصح وأوفر بكثير من اللحوم
الحليب استخدمي الطازج واتركي المجفف
هذا الي يخطر على بالي الان
اهم نقطة اكتبي واكتبي وراجعي كذا تعرفين وين الخلل وأماكن التوفير
ودايم اطلبي البركة الله يبارك لنا ولكم