افكار او ابيات حلوه لكرت الزواج

اخواتي الله يعافيكم انا اخوي بيتزوج قريب انشاء الله عقبال عندكم المشكله اخترنا كرت الزواج لكن مالقينا الكلام الحلو اللي ينكتب فيه مع العلم اني شاعره ودايما احط قصايد في زفات قرايبي لكن يوم قرب زواج اخوي ماعرفت وش اكتب
ابغا كلام او قصيده امدح فيها ابوي واقهر زوجته اللي حرمتنا منه اعواما كثيره وحرمتنا من ابوته لنا
ومع كذا ابغا اثبت له اننا نحبه ونغليه مع انه دايم في كل زواج يسبب لنا مشاكل هو وزوجته الله لايسامحها ويسخر لنا ابوي ويهديه للصواب
اخوي هذا اكثر انسان انظلم في العائله كان يشتغل على سيارته تاكسي علشان يصرف على سيارته ونفسه في الجامعه وابوي مرتاح ومبسوط ماديا يعني غني وعنده محلات ومؤسسه لكن الله المستعان
زوجته اعمت عينه الله ينتقم منها وينصر امي قبل ماتموت بحسرتها
اخواتي طلبتكم حتى لو على الخاص ابيات او كلام حلو في الكرت ابيه معظمه مدح لأبوي
تكفون لاتردوني