افكار بسيطه لترتيب منزلي وتوفير وقتي

السلام عليكم ورحمه الله وبركاته

اكيد تقولون ايش عندها هذي الادميه رازه عنوان ايش طوله اقولكم مالقيت عنوان ههههه من جد اتكلم والله اصعب شئ العنوان

المهم مالكم بالطويله ياطويلات العمر هذي من قلبي تراها نص سنعه وعندها كم فوكيره تمام وابشركم ترى ثلاث ارباعها لطشتها من هنا :rotaeye:

اول شئ مع صغاري خصوصا بنوتي جبت سله كتكوته كذا وحطيت فيها عطر ومشط وكريم مرطب وكريم تصفيف وظفار وعلبه فيها. بكل وشبصات والملحقات الي ماتخلص هذي للمدرسه بس تصحى اشيل السله ونبداء بدون حوسه وين المشط وين الظفار جربتها من فتره بسيطه بس الحق ينقال مره مريحه وسويت لها وحده ثانيه للخرجات من زود الاعجاب :laughing:

2-جبت لهم العلقات الي تجي مفرده وعلقتها على مستواهم بحيث كل واحد. مسؤل عن مناشفه وجكتاته

3-ساعات اشغل المكنسه واخليهم يمشوها بالبيت اكيد مافي نظافه بس ابغى يتعودوا

المطبخ

1-جبت بهارات وحطيتها في سله وعلى الرخامه خليتها اسهل واسرع وانظف في الاستخدام لمايجوني ناس على طول ادخلها بالدولاب

2-الدجاج او اللحم انزله من بالليل واحطه في زبديه مع مويه وادخله الثلاجه ليه علشان مدري احسه اريح كمان انظف ما احب انسى والاقي ريحه الدجاج طالعه كمان لانه طبيخي على المزاج مرات الصبح اصلح الكشنه مرات الظهر مرات اقلبه ايدام وكذا

3-جبت منشفه قد ايش كبرها لما يصير عندي مواعين كثيره انشفها عليها

4-حطيت في دولاب المجلى بخور اي نوع المهم لما افتح الدولاب اشم شئ حلو وساعات احط تايد اعشقه

لما يكون عندي اي مكان ليه رائحه غير مستحبه سواء ترمس او منشفه او مجلى على طول مويه دافيه وشوي كلوركس وتايد حتى الحمامات مهما استخدمت منظفات لازم يوم اشطفها بالمحلول السابق

5-جبت دعاسه تحت رجلك عند المجلى وعند الفرن العله عند المجلى علشان ما تترطش المويه وتعدم الارضيه هذي الطريقه للناس الي زي يتروشوا وهم ينظفوا المواعين

6-جبت سله لاباس منها وحطيت فيها سناك وعلى الطاوله الي يبغى يمرها بدال مايفتحوا الدولاب

7-جبت سلات من حبيب الشعب دايسووووو ووزعتها وحده للبهارات وقلت لكم فوق ووحده لاعراض الحلى ووحده للشاي والكافي بملحقاتهم وكذا وثلاث بالفريزر للدجاج واللحم والخضروات واي شئ افرزنه هذي توفر وقت اي شئ تحتاجيه تسحبي السله معاك وترجعيها وكمان شكلها يكون مره مرتب الي شافت مطبخ ام شهد ربي يسعدها ويكفيها كل شر راح تفهم قصدي

8-احب العلب للتخزين مريت بتجربه خلتني اعشقها الرز عندي لازم يسوس لما جبت علبه وفرغته فيها طلع احسن مليون بالمره من مكان الرز بالدولاب نفس الطريقه مع الدقيق بكافه انواعه واي شئ يحتاج علبه جبنا له هههههه

اخير اي شئ تحتاجيه جيبي ورقه وقلم وابدي اكتبيه في ورقه وشيلي كل شهر مبلغ واشتري فيه مره صندوق مره سله وكذا راح يتجمع عندك كل شئ في ظرف كم شهر