بعد السلام عليكم يسعدلي صباح الحلوين ومساهم:27:
جايبتلكم موضوع ياريت يفيدكم بس لالكم لانكم افدتوني كتييير يا احلى عالم:26:
وهادا اول موضوع الي وبالصور لعيونكم......الله يستر:42:
هدول شوية نصايح وافكار لبيت نظيف ومرتب وفيو كركتات كمان:S_45:
هادا اول جزء وهو المطبخ لانو نحنا النسوان بنقضي تلات ارباع عمرنا بهالمطبخ
وعئولة شيخ الشباب اذا ضعتي بلاقيكي بالمطبخ دخيلو الابضاي
المهم بلا طولة سيرة تئبشوني خلونا نبلش بمثل بيئول:
غسل وشك مابتعرف مين ببوسو...
نظف بيتك مابتعرف مين بدوسو...
المطبـــــــــــــــــــــخ:
1* اساس نظافة وترتيب المطبخ المتابعة اول باول يعني توسخت ملعقة ولا صحن ولا كاسة فورا اجليها اريحلك تسلميلي خلي مجلاكي دايما نظيف ومو معجوق يعني لا تحطي ميت غرض فوقووو...
* فكرة:
اذا شباك مطبخك على المجلى حطي زريعة عليه بيعطي روح للمطبخ ومنظر حلو بيفتح النفس...
2* صحون الاستعمال اليومي خليهم في متناول ايدك وصحون ومستلزمات الضيافة خليهم برف لحالهم ولا تستعمليهم الا للضياااافة خلي للبيت ادواتو الخاصة دون التعدي على حقوق واملاك الاخرين.... اسمعي الكلمة :angry2:خخخ
وخلي الخزن دايما مرتبة وامسحيها من برا ومن جوا..
وهيك...
يتبععع لا حدا يرد والا بعصب خخخخ
3* درج المعالق والسكاكين والذي منو خليهم مفرزين بالدرج ورجعي كل شي محلو
يعني مو المعالق مع السكاكين عالشوك لالالالا خلي كل شي محلو مرتب
خليكي ست بيت شاطرة :icon28:
4* خلي دروجك نظيفة ومرتبة واعملي درج للمحارم والمماسح والعلب الفاضيه ودايما اتفقدي شو ناقصك من محارم وفوط للمطبخ ...
5* درج البهارات خليه مقسم حسب ما بتحبي ومرتب كمان هادا اذا دروجك كبيرة
متل الي بالصورة وخلي العلب منظمة ودايما امسحيها خليكي نظايفية :wink2:
6* الثلاجة وما ادراكم ما الثلاجة كل ماتفتحيها امسحيها حلوة هاي سجع خخخ
اي امسحيها يعني اذا شفتي شي مكبوب او غرض ملوت فورا امسحيه
طبعا تنظيفة اسبوعيه للبراد يعني اذا اكل بايت نسيانتيه ولا قطعة خضرة معفنة ملحوشة هون ولا هنيك يعني تنظيف من جميعووو ديري بالك يا خانم :39:
7* البوتجاااااز يييييييي على عيونو هههههه
دايما تابعيه وامسحيه مابتتعبي والله خصصيلو اسفنجة وبخاخ بقع تحت متناول اليد..
8* ارض المطبخ مهمة كمان بتعكس نظافة المطبخ كلو
كل ماوقع شي امسحيه وقبل ماتنامي اعمليلك فتلة اخيرة عالمطبخ وامسحي ارضو اخر شي...
ونصيحة علمي بناتك من هم وصغار النظافة والترتيب تزكرت متل بئوول:
ئال الخنفسة شافت بنتها عالحيط ئالتلها تئبريني متل اللوليه بالخيط :hahaha:
استنوني المسا رح نزل افكار للمطبخ تابع هالموضووووووع
في امان الله:27: