السلام عليكم ورحمه الله وبركاته..
اخواتي الكريمات..اليوم حابة اعرض لكم بعض تجاربي في ترتيب حوستي في البيت..
بداية من الاكسسورات..الى ملابس الحمل..الى الماكياج..الى العاب الاطفال....الخ..
وراح اقسم الموضوع لكل نوع شئ..
اولا..الاكسسورات..
كثير اشوف ناس تسأل عن ترتيبها وحوستها..
صحيح فيه شغلات كثير تباع لهالغرض..بس اول غالية نوعا ما اذا راح اخذ كم وحدة...ثانيا ما تكفي لكل الاغراض..
فسويت الاتي..
تعرفون الحلاو الشوكولاته اللي اسمه فيليب شارلو..او قريب من كذا..دايم اشوف اعلانه بالتلفزيون..
كان عندي واحدة فاضية..وواحدة اخذتها من اهل زوجي كان مو باقي فيه الا كم حبة وقلت لي خلص عطوني العلبة..وهذا شكلها..
المهم اخذت الغطاء الشفاف وحطيته تحتها كقاعدة..
وعبيت الخواتم والحلقان والتعليقات فيها بهالشكل.
وحطيتهم داخل درج التسريحة..الثنتين مع بعض..والله فكت التشابك اللي كان يصير بالتعليقات..
وصارت كلها واضحة قدام عيوني لما افتح الدرج..
وهذا شكلها..وهي مقفلة..
مره حلو وناعم...
ومن جوى فيها اماكن للخواتم..وفيها بالغطاء من جوى مراية..واماكن جانبية للحلقان او التعليقات..
ولما تشيلين الطابق العلوي تلاقين طابق ارضي بعد"حشا صارت فيلا مو علبة مجوهرات"..بس فعلا حلوة وعملية..بهالشكل..
وهذا شكلها وهي معبية ..