افكار حفله نجاح

عشان نقدر نساعدك ليت تحددين الاعمار
بنات والا اولاد, والا كله؟
العدد كم؟
وين بتحطينها بيت والا استراحه؟

ابحطها بالبيت وهم مرحلة ابتدائي الله لايحرمك العافيه

انا ناويه اسوي حفله لاطفال بالابتدائي
وهذي بعض الافكار اللي ناويه اسويها, وباقي قاعده افكر باشيا ثانيه

بالنسبه للمكان, جهزيه بالونات

-فقرة الالعاب:
- البحث عن الكنز>> تخبين هديه او ريالات في اماكن متفرقه وتطلبين منهم يدورون عنها, واللي يلاقيها تصير من نصيبه

- تقسمينهم فريقين, كل فريق له قائد. وكل فريق لازم يلصق اكبر عدد من البلونات على القائد حقه<<باستخدام الشريط اللاصق. , تحطين نشيد عن النجاح او اي شي واذا خلص النشيد يوقفون وتشوفين مين اللي لصق اكبر عدد

- كل واحد يربط بالونه في كل رجل من رجوله بخيط, ويحاولون يفقعون بالونات بعض برجولهم(يدعسون عليها) ويحافظون على بلوناتهم لاحد يفقعها .. اللي تنقفع كل بالوناته يطلع والفايز اخر واحد يبقى محافظ على بالوناته<< هذي مرره حماس

- غرفة الظلام>> تجمعينهم في غرفة مظلمه ويتخبون فيها, ولازم هدوووء عشان ماينعرف مكانهم,
واحد يدور عليهم , واللي ينمسك يطلع . الفايز هو آخر واحد يبقى..
لو يخافون من الظلام يصير تغطين عيون اللي بيمسكهم ..

- الصندوق>> تحطين اشياء في علبه او كيس.. وهم يحزرون ايش جواته.. ممكن يسالون اساله تساعدهم قبل..او يعطون اجابه مباشره(ممكن تحطين قلم-علبة مويه- سياره صغيره - جوال-بالونه......)

- فقرة رسم>> في عند ابوريالين تلوين بالرمل جدا حلوه وممتعه

- شد الحبل

- لعبة التمثيل من غير كلام>>فريقين , وكل مره يطلع واحد من احد الفريقين ويمثل جمله انتي تعطينها لهم..وفريقه يحزر ايش الجمله..(انا سويتها قبل مع اطفال من اعمار 7 لين 13)وكثير انبسطوا عليها ومتحمسين

- الاسرع بالاكل.. تطلعين شخصين او اكثر وتعطين كل واحد علبة زبادي او أي اكل, و الاسرع هو الفايز



بعد كذا يجي الاكل .. انتي وذوقك.. بس اهم شي الكيكه حقت النجاح وحلو لو تكون بشكل شخصيات كرتونيه,, وفشار, وشبسات, وفطاير او ساندوتشات خفيفه, وعصاير


آخر شي توزيع الهدايا,,
ابوريالين مليان شغلات حلوه واسعار غير مكلفه.. او ممكن كيسه صغيره وتجمعين فيها شبس وشوكولا ومصاص وبلونه..<< تفنني بالتغليفات والرسوم

ونسيت شغله
لاتنسين تصورينهم صور تذكاريه

افكار روعه مشكوره ماقصرتي