كل عام وانتم بالف خير الله يتممه علينا يارب ويجعلنا من صوامه وعتاقه
اليوم جايبه لكم افكار بسيطه انا اسويها بحياتي اليوميه وخاصه بشهر رمضاان والحمدلله كل شي تمام والهدف هو مساعدة بعض البناات اللي عندهم اطفال ووقتها بعض الاحيان يكون ضيق برمضان وانتم عارفين عاد البيت والاطفال شغله الله يعين وقبل كل شي عشان نوفر وقت طويل للعباده لان هالشهر من افضل الشهور
ندخل بالموضوع عشان مااطول عليكم
اول شي قبل تدخلين المطبخ او تبدين باي مجهووود بالبيت او أي شغل احمدي الله 33 مره وسبحيه 33 مره وكبري 34 مررره والله يابناات مااسوي هالشي الا ربي يوقف معااي باشياء كثيره وشغلي بثواني وانا مخلصته وهذا كله بفضل الله
يلا نبدا :cook:
اول شي لحمة السمبوسه سواء كانت دجاج او لحم انا اعتمدها بكل شي السمبوسه وجميع انواع المكرونه والكبه والفطاير او أي شغله تدخل فيها اللحمه المفرومه اسوي كميه كبيره حقت 5 ايام وعلى طول احطها بعلبة بلاستك واغطيها زين وعلى الثلاجه وقبل اسوي أي شغله اطلعها قبلها بساعه والله يابنات تبقى افرش كان توني مسويتها وافضل نوع للدجاج المفروم هو الشهيه والوطنيه واالي تبي طريقتي بالحمه من عيوني لان الحمدلله الكل يمدحها
الكبه
نجي الحين عند الكبه انا طريقتي فيها مره سهله ووطعمها يدوخ وماتشرب زيت ابدا ابدا
الطريقه اسلقي بطاطس الكميه اللي تكفيكم انا وزوجي اسلق حبيتين كبيره بعد ماتستوي اعجنها بثلاث ملاعق حليب مجفف وملعقة صغيره ملح اكورها واسوي فراغ بالوسط واحط فيه الحشوه واقفلها بعدين اغمسها ببيض وبقسماط واقليها واذا حبيبتي تفرزنينها رصيها بصحن كبير او علبه بلاستك وغطيها وقبل تقلينها بساعه طلعيها واقليها بزيت حار كلمة روووووووووووووعه قليل بحقها وهذي صورتها
http://forum.hawaaworld.com/<img title='' alt='1GBVULCAB2A9ZJCA3077TTCAQ46N6H' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/e8b11eb489bdcb4a2bbae46ee6b3a432.jpeg'/>
العجينه
نجي الحين عند عجينه المعجنات انا عجينتي وحده لجميع المعجناااات اعجن كميه كبيره واحطها بعلبة بثلاجه وقبل الاستخدام اطلعها بنص ساعه وابدا شغلي سواء فطاير او بيتزا او سينابون او خبز عادي والله لا تخرب ولا شي كان توني مسويتها
الشورباااات
وقتك كان مرره ضيق وتبين تسوين شوربة او تبين تغيرين هالمره
عندك ثلاث انواع شوربة الفطر وشوربة الخضار وشوربة العدس
طبعا تجي كل نوع ببكت صغير مثل الكريم كرامل وافضل نوع ماجي او قودي
ماتاخذ منك غير عشر دقايق بتصليحها مررررررررررره لذيذه طبعا اتبعي التعليمات في طريقة طهيها خلف الظرف وهذي صورتها
الشيره
انا احب الشيره اللي اسويها بالبيت مررره لذيذه واظمن لك من ناحية النظافه
اسوي كميه كبيره واحطها بعلبه بالثلاجه
تتبيلة السلطه
انا اخذ تتبيله السلطه من هايبر بنده او أي سوبر مررره روعه باينات مايحتاج تملحين السلطه ولا شي
اذا قطعتي السلطه قبل تحضيرها حطي الظرف كله اذا كانت السلطه كثيره او ملعقتين اذا كانت قليله مع ثلاث ملاعق زيت زيتووووون وحطيها على السلطه فقط بدون أي اضافات تعالي شوفي الطعم طبعا فيه انواع كثيره انا اخذ بالخل والثوم بعد فيه بالزعتر والخل رووووعه وهذي صورتها
الدجاج المتبل
حبيتي يوم تغيرين من الروتين الرمضاني وتسوين دجاج متبل مع حمص وخبز عندك دجاج اخذه من بنده يجيك متبل وجاهز ومقطع احطه بالفرن 30 دقيقه بس وتعااالي شوفي الريحه والطعم اممممممم رووووووعه وبسرعه يستوي وعندك نوعين حار وبارد طبعا يحفظ بالثلاجه وعلى طول على الشوايه وهذي صورته
الخضار
نجي الحين عند الخضار كبف تحافظين عليها من الخراب
انا دايم خظاري تبقى معاي شهر كامل لونها وشكلها مايتغير ولا طعمها تدرون وش الطريقه احفظها بأكياااس النايلون حقت اللحم كل نوع بكيس والله يابنات حتى الكزبره والبقدونس والحبق والنعناع يبقى لونهم مايتغير لمدة شهر
الكناااااااااافه
انا اخذها بالكيلو هي وقشطتها مرررره تهبل وطريه مااحب المغلفااات
الرقاق حق السمبوسه اخذ حق مخابز الراشد مررره روعه والحين موصيه على رقاق من القصيم اختي مدحته لي هو واقراص البيتزا وراح ***** الله اجربه هالسنه
العصيرات
نصيحه اللي ماعندها براده تشتري مررره بابنات روعه انا اسوي العصير قبل الاذان بخمس دقايق تجيك المويه باااااااااااااااااارده واللي ماتقدر اول شي تسوينها قبل تبدين شغلك سوي العصيرات وبرديها
الثوم
قطعي كميه كبيره بحجم صغير وحطيه بعلبه وحطي عليه زيت زيتون عشان يحافظ على طعمه ولونه وعلى االثلاجه وقت الطبخ حطي ملعقه على الاكل مالك خلق عندك ببنده خلطة اسمها مبادئ ثوم طازج مخلوط مع زنجبيل مررره روعه يابنات يعطيك لذه بالاكل مو صاحيه حطي ملعقه وحده انا مااستغنى عنه
المواعين :mad:
نصيحه لاتكثرين المواعين حطي ملعقه وحده لكل شي وسكين وحده لكل شي وكل مره اغسليها كذا ماتكثر عليك بالنسبه للمواعين غسليها قبل الفطور كلها عشان مايبقى غير مواعين الفطور وبكذا تخلصين واللي عددهم كبير وماعندهم خدامه خلي مواعينك بلاستك استخدام يومي تفتكين من غسيلها الى الشوربة حطيها قزاز
هذي كل افكاري ولو تذكرت أي شي راح اعطيكم اياه واللي عندها بعد افكار ياليت تفيدنا جميعا
دمتم بود